Monday, May 17, 2010

သားသား ၃လပြည့် အမှတ်တရ


ကျွန်တော် ပုလုံး ဒီကနေ့ ၃လ ပြည့် ပြီဗျ။ မေမေ နဲ့ နေ့စဉ်နေ နေရတော့ မေမေ့ ကိုတော်တော်သိလာပြီ။ သားသား ကို ချီစေ ချင်ရင် စကားတွေ ၀ူးဝါး ပြောလိုက်တာပဲ။ မေမေ ဘယ်နေနိုင်မလဲ၊ သားသားကို ကောက်ချီ ရတာပေါ့။

သားသားကမေမေ နဲ့ ဖေဖေ တို့ နားမလည်တဲ့ စကားတွေ ကို မနက်မနက်အိပ်ရာထ ရင်ပြောတယ်၊ သူတို့ကတော့ ဘယ်သိမလဲ၊ သားသား နဲ့ နတ်သူငယ် ပြောကြတာလေ။ အဲတော့သားသားကို သိပ်စကားများတဲ့ကောင်တဲ့။ နတ်သူငယ်ကို ပြောပြရတာပေါ့၊ မေမေ နဲ့ ဖေဖေ ကသားသားကိုချစ်တဲ့ အကြောင်း၊ နတ်သူငယ်ကလည်း သားသား ကို သူတို့ချစ်အောင် ဘယ်လိုလုပ်ရလဲ ဆိုတာ ပြန်ပြောပြတယ်။ ဒါတော့ လျှို့ဝှက်ချက်ဗျ။ ပြောလို့မဖြစ်သေးဘူး။

တစ်ခါတစ်ခါ မေမေ က ငါ ရိုက်တော့မယ်လို့ ကြိမ်းသေးတယ်ဗျ။ တကယ်လဲရိုက်တာ ဟုတ်ပဲနဲ့။ သားသားကလည်း ဆိုး လို့ ရတုံး ဆိုးရတာလေ။မေမေ နဲ့ ဖေဖေ ကသားသား ကို အပြင်ခဏခဏ ခေါ်သွား တယ်။ ကျွန်တော်လည်း ကြိုက်တယ်။ လူတွေ၊ ကားတွေ၊ အရုပ်တွေ တွေ့ ရတာပေါ့။

တစ်ခါတစ်ခါ ဘိုးဘိုးကို Computer ပေါ်မှာ တွေ့တယ်။သူက သားသား ကိုလာမချီပဲနဲ့ ပုလုံးပုလုံး နဲ့အော်အော်ခေါ်နေတတ် တယ်။

ဘိုးဘိုး---သားသားပုလုံး ကိုလာချီအုံးလေဗျာ-----

----- သားသားရဲ့ ဖိုးဖိုးက သားသားအတွက် ၃လပြည့် အမှတ်တရ ရေးပေးထားတာ -----

Friday, May 14, 2010

ကျွန်မ ဖြတ်သန်းခဲ့သော သားသားအသက် ၃လ မပြည့်မီ

မနက်ဆိုရင် ၆:၁၅ နှိုးစက်မြည်တာနဲ့ကျွန်မထပြီး ညက သားသားသောက်ထားသော နို့ဗူးအကုန်လုံးကို ဆေးရပါတယ်။ ပြီးတော့ ထမင်း၊ ဟင်းချက်ပြုတ်၊ ချက်ပြုတ်ပြီးသား ပန်းကန်တွေဆေး၊ ဘုရားပန်းလှဲ၊ ဖယောင်းတိုင်၊ အမွှေးတိုင်ထွန်း၊ ဆွမ်းကပ်၊ ရေချမ်းကပ် ပါတယ်။ အားလုံးပြီးရင် ရေမိုးချိုးပါတယ်။ အရင်ကဆို နေ့လည်သားသားရေချိုးပြီးမှ ချိုးတာ။ သားသားက မေမေ့ကို မျက်စိအောက် ကအပျောက်မခံတော့ ရေစောစောစီး ချိုးရပါတယ်။ ကျွန်မရေချိုး အ၀တ်အစားလဲပြီးတဲ့ အချိန်ကျရင်တော့ သားသားက နိုးနေပါပြီ။ လင်မယား ၂ယောက် သားသားနဲ့ အချိန်ရရင် စကားပြောပါတယ်။ ဒီအချိန်လေးက ကြည်နှုးစရာ အကောင်းဆုံးအချိန်ပေါ့။

သားသား မနက်နိုးလာပြီဆိုတာနဲ့ Night Dress လဲပြီးပြီဆိုရင် စကားတွေကို ၀ူးဝူးဝါးဝါး ပြောတော့တာပဲ။ ၁နာရီ နီးနီးကြာတယ်။ နေ့တိုင်း မနက်တိုင်း သားသား အကျင့်ပဲ။ ဖေဖေကော မေမေကော သူပြောတဲ့စကားအတိုင်း လိုက်ပြောရတာ။ စကားပြောလိုက်၊ ရီလိုက်နဲ့ပေ့ါ။ သားသားအော်ရင်တော့ အောက်ခဏဆင်းပြီး ဟိုနား ဒီနားလိုက်ပြပါတယ်။ ထိုင်ခုံလေးမှာထိုင်ပြီး သားသားကို ပတ်ဝန်း ကျင် အကြောင်းတွေရှင်းပြပါတယ်။ ဆက်ရက်ကလေးတွေက ဘယ်လိုအော်၊ သားသား ကားကားတွေ့လာဆိုပြီး အစရှိသဖြင့်ပေါ့။ ပြန်တက်တော့မယ်ဆိုရင် သားသားက အိပ်ပြီးလိုက်လာပါတယ်။ လက်မောင်းလေးပေါ်မှာ အိပ်ပျော်သွားတာပေါ့။ ၉း၃၀ - ၁၀း၀၀ နာရီကြားမှာ သားသားကို ရေချိုးဖို့ပြင်ပါတယ်။ သားသားက အရင်လို မဟုတ်တော့ဘူး။ ရေချိုးပျော်တယ်။ ရေချိုးမယ်ဆိုရင် တအား ပျော်ပါတယ်။ လက်တွေ ခြေတွေလှုပ်ပြီး ရေတဗွမ်းဗွမ်းနဲ့ကို ဆော့တာ။ နိုင်တောင် မနိုင်တော့ဘူး။ မနည်းထိန်းပြီး ရေချိုးရတယ်။ ဖွံလည်း တော်တော်ဖွံလာတယ်။ လက်မောင်း ခြေထောက်တွေမှာ အရစ်အရစ်တွေနဲ့ တုတ်တုတ်လေးဖြစ်လာပြီ။ အမေနို့သောက်၊ နို့ဗူးသောက်ပါတယ်။ နို့သောက်လို့ဝရင်တော့ ဆော့ပါတယ်။ အရင်ကဆို ဆော့နေတာတွေ၊ စကားပြောနေတာတွေ Video ရိုက် လို့ရတယ်။ အခုမရတော့ဘူး။ သားသားက Video ရိုက်မယ်ဆိုရင် Video ကိုပဲကြည့်နေပြီး စကားမပြောတော့ဘူး။

နောက်၁ကြိမ်နို့သောက်ရင်တော့ မျက်လုံးစင်းလာပြီး ၁နာရီလောက်အိပ်ပါတော့တယ်။ ကျွန်မက နေ့ခင်းနေ့လည် အိပ်ပေးနိုင်အောင် ကျင့်နေပါတယ်။ ယောက်ျားလေးဆိုတော့ အဆော့မက်တယ်။ ၄နာရီလောက်ဆိုရင် သားသားနဲ့ အောက်ခဏ ဆင်းပါတယ်။ အိမ် အောက်က Playground လေးပါ။ ပြန်တက်လာတိုင်း သားသားက အိပ်ပျော်သွားရော။ ကျွန်မက ညာညာပြီး နိုိ့တိုက်တာ၊ မေမေ နို့ကုန်ရင် အပြင်လိုက်ပို့ပေးမယ်ဆိုရင် နို့ဗူးကို ပြောင်နေအောင် သောက်တော့တာ။ သားသားနဲ့ အပြင်လည်း ထွက်လည်ပြီးပြီ။ သားသားက တွန်းလှည်းစီးရတာကို သဘောကျတယ်။ အစကငိုပေမယ့် ကျွန်မက မချီခိုင်းတော့ စီးရင်နဲ့ပဲ သားသားလည်း တွန်းလှည်းကို သဘောကျသွားတယ် ထင်တယ်။

သားသား ၃လပြည့်တော့မယ့်အချိန် ပြောင်းလဲလာတာတွေက နို့သောက်ရင်လည်း သားသားမျက်နှာကို ၁ချိန်လုံး ကျွန်မက စိုက်ကြည့် နေရတယ်။ သားသားက မျက်နှာနည်းနည်းလေး လွှဲလိုက်တာနဲ့ငိုတော့တာပဲ။ မျက်စိအောက်က အပျောက်မခံဘူး။ အနားမှာ မရှိရင် အော်တော့တာပဲ။ အဝေးကနေ အသံလေးပေးလိုက်ရင် ခဏလောက်ငြိမ်သွားပြန်ရော။ အမှောက်ကတော့ စမ်းနေပါတယ်။ လုံးလုံး လျားလျားကြီးတော့ မမှောက်သေးပါဘူး။

ညအိပ်ရင် အအိပ်ကြမ်းလာပြီ။ ညည နို့ဆာလို့ကြည့်လိုက်ရင် ခေါင်းအုံး နဲ့ ခေါင်းနဲ့ ၁ခြားစီပဲ။ ငိုတော့မယ်ဆိုရင် မျက်နှာကြီးမဲ့ပြီး အရှိန်ယူပြီး ငိုတတ်လာပြီ။ :( ဒီလိုပုံလေးအတိုင်းပဲ။ လျှာထုတ်ပြီး ပြောင်ပြ တတ်တယ်။ လျှာထုတ်တတ်အောင် ဘယ်လောက်မှ မသင်လိုက်ရဘူး။ ၁မိနစ်တောင်မကြာဘူး။ အကုန်လုံးကိုသေချာကြည့်ပြီး လုပ်တတ်နေပြီ။ မေမေရီရင် လိုက်ရီတတ်တယ်။ အဆော့က တော်တော် မက်လာတယ်။ သားသားအိပ်ချင်ရင် အရမ်းကို ဂျီကျတတ်လာပြီ။ လက်လည်း ဆုတ်တတ်လာပြီ။ လက်၅ချောင်းကို ပါးစပ်ထဲထည့်လိုက်တာ။ ၃လပြည့်ခါနီး အချိန်မှာ သားသားကိုသိပ် မချီရတော့ပါဘူး။ ၁လကစပြီး ၂လခွဲအထိက လက်မောင်းတွေ တောင့် တစ်ကိုယ်လုံး တောင့်တင်းအောင်ချီရတာ။ ကလေးက လက်ကြိုက်တာ မဟုတ်ပါဘူး။ အဲဒီအချိန်က ဖေဖေ၊ မေမေ စမှတ် နေတဲ့ အခ်ျိန်မို့ပါ။ ကျွန်မချီချီ ယောက်ျားချီချီ သားသားမျက်လုံးက ကျွန်မတို့ကို အသေအချာကို စိုက်ကြည့်တာ။ ဖေဖေ နှင့် မေမေ မနေရတဲ့ ကလေးတွေမှာ ဒီအချိန် သနားစရာအချိန်ပါ။ ဘယ်သူကို ဖေဖေ၊ မေမေ မှတ်နိုင်ပါမည်နည်း။

၆း၄၅ ဆိုရင် အောက်ခဏဆင်းပြီး သားသားဖေဖေပြန်လာတာကို စောင့်ကြိုကြတယ်။ ပြီးရင် ကျွန်မက ထမင်းစား၊ ပန်းကန်ဆေး၊ နောက်၁နေ့ချက်ဖို့အတွက် စဉ်းစားရပါတယ်။ တော်တော်ဦးဏှောက်ခြောက်တာနော်။ အိမ်ရှင်မတိုင်းသိကြမှာပါ။ ကျွန်မပြီးရင်တော့ ယောက်ျားက ရေမိုးချိုး ထမင်းစားပါတယ်။ စားပြီးသွားပြီဆိုရင် သားသားကိုပေးပြီး ကျွန်မက မီးပူတိုက်မယ့်နေ့ဆို မီးပူတိုက်၊ ဈေးဝယ် စရာ ရှိရင် ဈေးဆင်းဝယ်ပါတယ်။ သားသားက ၉နာရီဆိုအိပ်ပြီ။ ညနို့ဆာရင် ခြေထောက်လေး၂ဖက်ကို စုံချပါတယ်။ ခပ်ပြင်းပြင်းလေးပါ။ အရင်ကထက် ပိုပြင်းလာတယ်။ မျက်လုံးပွင့်နေလား ဆိုတော့လည်း မျက်လုံးက လုံးဝမပွင့်၊ နို့ဗူးကုန်ခါနီးရင် ပြန်အိပ်ပျော်သွားရော။ သားသားက အလယ်မှာအိပ်တာ။ ကျွန်မတို့မှာ ကျော၁ပြင်စာပဲ နေရာရပါတယ်။ ကလေးကုတင် ၀ယ်ဖို့ကျ တော့ သားသားကို သနားတာနဲ့ မ၀ယ်ဖြစ်ဘူး။ သားသား၁ယောက်ထဲ အ်ိပ်နေရမှာစိုးလို့လေ။

ကျွန်မမှာ မအားတဲ့အတွက်ကြောင့် Blog မရေးဖြစ်တာ နားလည်ပေးကြပါနော် သူငယ်ချင်းတို့ရေ ... သားသား အားမှရေးရတာ မို့ပါ။

Thursday, May 13, 2010

ကိုယ်ဝန်ဆောင်ကာလ

ကိုယ်ဝန်ရှိစဉ်က သမီးလေးမွေးပါစေလို့ ဘုရားမှာ ဆုတောင်းတယ်။ ကျွန်မဘ၀မှာ ဆုတောင်းတိုင်း လွှဲခဲ့တာ ချည်းပဲ။ အဲဒီလိုဆု တောင်းခဲ့တော့ ကျွန်မဗိုက်ထဲက ကလေးက ယောက်ျားလေးပဲဆိုတာ တစ်ထစ်ချသိနေပါတယ်။ ဒီဆုလေး ၁ဆုထဲ တောင်းခဲ့တာ။ မပြည့်ဘူးဆိုတာသိပေမယ့် ဆုတောင်းခဲ့တာပါ။ ကလေးကို အသားဖြူပါစေ၊ ကိုယ်အဂ်ါ ပြည့်စုံပါစေ၊ လူချစ်လူခင် ပေါများပါစေ ဆိုပြီး ဘာဆု ၁ခုမှ မတောင်းခဲ့ပါဘူး။ ယုတ်စွအဆုံး စိတ်ကူးတောင် မယှဉ်ခဲ့ပါဘူး။ အဲဒီအကျိုးကြောင့် အရာအားလုံး ကျွန်မ လိုချင် တဲ့အတိုင်း ဖြစ်လာခဲ့တယ်။

သားလေးရခဲ့ပေမယ့် ကျွန်မသားလေးကို အရမ်းချစ်ပါတယ်။ ရန်ကုန်ပြန်ပြီး ရွှေတိဂုံဘုရားသွားတော့ သားဆုပန်တဲ့နေရာမှာ သားရအောင် ယတြာယာ ချေနေတာတွေ့ခဲ့တယ်။ ကျွန်မ စဉ်းစားမိပါတယ်။ သြော် ကျွန်မကတော့ သားဆုမပန်ပဲနဲ့ သားရခဲ့ပါတယ်။

ဘာချင်ခြင်းမှလည်း မတပ်ခဲ့ဘူး။ ၁ခုတော့ရှိတယ်။ ဟင်းသီးဟင်းရွက် လုံးဝစားချင်စိတ် မရှိဘူး။ အမဲသား အများဆုံးစားဖြစ်တယ်။ နို့မကြိုက်တဲ့ ကျွန်မ အစ်မ၁ယောက်က ပြောတဲ့အတွက် နေ့တိုင်းနီးပါး နို့သောက်ခဲ့ရတယ်။ နို့သောက်ရမယ်ဆိုရင် ငယ်ငယ်ကတည်း ကအမုန်းဆုံးပဲ။ မလိုင်ဖတ်တွေပဲ ဆယ်စားခဲ့ပြီး နို့ကို အကုန်သွန်တာ။ မနက်အ်ိပ်ရာထရင် နို့မှုန့်၂ဇွန်း၊ သကြားနည်းနည်း၊ ရေထည့် ပြီးဖျော်။ ချက်ချင်းသောက်လား ဆိုတော့လည်း မဟုတ်ဘူး။ သောက်ရင်ကောင်းမလား စဉ်းစားနေတာ ၁နာရီကြာ။ ပြီးတော့ မထူး ပါဘူးလေဆိုပြီး အသက်အောင့်ပြီး ၁ကျိုက်ထဲမော့ချတာ။ ကျွန်မကလေးအတွက်ဆိုပြီး ကြိုးစားပြီး ကြိတ်မှိတ်သောက်ရတာ။ ယောက်ျားက ကလေးလေး အသားညိုည်ိုလေးထွက်လာမှာ စိုးရိမ်နေတယ်။ နို့မှုန့်တံဆိပ် က Ensure Life၊ အရောင်က ၃ရောင် ရှိတယ်။ Strawberry, Vanilla, Chocolate။ ကျွန်မ Strawberry ပဲရွေးပြီးသောက်ခဲ့တာ။ စစချင်း ဗူးသေး သောက်တာ။ ကျွန်မအဖေက ဒါသောက်ဆိုပြီး ၀ယ်ပေးသွားတာ။ ကုန်ခါနီးကျတော့ ဗူးကြီး ၁ဗူးထပ်ဝယ်တယ်။ အားလုံး ၂ဗူး။ အကြီး ၁ဗူး၊ အသေး ၁ဗူး။ ယောက်ျားကတောင်ပြောတာ မှတ်မိပါသေးတယ်။ Strawberry အရောင်လေး ထွက်လာဦးမယ်တဲ့။ NTUC Fair Price ကနေ Hi-Calcium Low Fat နို့ဝယ်သောက်ခဲ့သေးတယ်။ အများဆုံးသောက်တာ Ensure Life ကထုတ်တဲ့နို့မှုန့်။ ဆေးရုံတွေမှာပဲ ၀ယ်လို့ရတယ်။ NTUC Fair Price မှာတော့မတွေ့မိသေးဘူး။ ကျွန်မ မျက်စိရှန်းတာလည်း ဖြစ်နိုင်ပါတယ်။

Obimin ၁နေ့၁လုံးပုံမှန်သောက်တယ်။ Obimin ကလွဲပြီး ဘာဆေးမှမသောက်ခဲ့ပါဘူး။ ကိုယ်ဝန်ဆောင်နဲ့ပတ်သက်တာ၊ ကလေးနဲ့ ပတ်သက်တဲ့စာအုပ်တွေ ရန်ကုန်ပြန်တုန်းက ၀ယ်လာပါတယ်။ ၁၀အုပ်လောက်ရှိတယ်။ ဒီမှာ ၀ယ်လို့မရဘူးလေ။ နေ့လည်တိုင်း ဖတ်ဖြစ်ခဲ့ တယ်။ ဖတ်လို့လည်းကောင်းတယ်။ ကိုယ်ကဘာဖြစ်မယ်ဆိုတာ ကြိုသိရတာပေါ့။ Internet မှာလည်းရှာတယ်။ youtube လည်း ကြည့်ဖြစ်တယ်။

ကိုယ်ဝန်ဆောင်စာအုပ်ထဲမှာ ရေးထားတာ Vitamin C လိုတယ်ဆိုလို့ Orange Juice ဗူးကြီး NTUC Fair Price မှာဝယ်ပြီးနေ့တိုင်းသောက် ဖြစ်တယ်။ မနက် ၁ခွက်၊ နေ့လည် ၁ခွက်၊ ည ၁ခွက်၊ ဗူးကြီး ၁ဗူးက ၂ရက်ပဲခံတယ်။ အဲဒါလည်း အရင်က မသောက်ဖူးဘူးနော်။ ကလေးအာဟာရဖြစ်အောင်ဆိုပြီး သောက်ခဲ့တာ။ ငပိရည်၊ မြစ်၊ ဒညင်းခွက် (အစကတည်းကိုက မကြိုက်တာ)၊ ဆူးပုတ် (တတ်စာ မှန်သမျှ ကိုယ်ဝန်ဆောင်တွေက မစားသင့်ဘူး)။ ကိုယ်ဝန်ဆိပ်တက်ရင် ကြောက်ဖို့အရမ်းကောင်း ပါတယ်။ ကိုယ်ဝန်စရှိကတည်းက ရှောင်ခဲ့တာ အခုချိန်ထိပါပဲ။

ညတိုင်း သရဏံဂုံပုတီးစိပ်ပါတယ်။ ၃ပတ်ပါ။ ဗုဒ္ဓံသရဏံ ဂစ္ဆာမိ၊ ဓမ္မံသရဏံ ဂစ္ဆာမိ၊ သံဃံသရဏံ ဂစ္ဆာမိ ၃ခေါက်ဆုံးမှ ပုတီး ၁လုံးချပါ။ အဂ်ုလိမာလသုတ်ကတော့ December လမှပဲ စရွတ်ဖြစ်ပါတယ်။ ကြိုရွတ်တယ်ဆိုရင် စောစောကြိုမွေးတတ်တယ်ဆိုတာ မှတ်သားဘူးလို့ပါ။ အဂ်ုလိမာလသုတ်ကတော့ ၁နေ့ ၃ခေါက်ပါ။

ကိုယ်ဝန် ၂၂ပတ်မှာ ကျွန်မတို့ရေချိုးခန်း မဟုတ်တဲ့ အခြားရေချိုးခန်းကိုလည်း ရှင်းရပါသေးတယ်။ သတိကြီးစွာထားပြီး ဖြည်းဖြည်း လုပ်ပြီး ရှင်းရတာ။ ကိုယ်ဝန် ၇လမှာ အိမ်သန့်ရှင်းရေးလုပ်တော့ ရေချိုးခန်းမှာ ချော်လဲဘူးပါတယ်။ အနောက်ကနေလဲကျတော့ ကလေးဘာမှမဖြစ်လို့ တော်သေးတာပေါ့။ ကျွန်မကသွားပြီထင်နေတာ။

ကျွန်မက ပိန်ပိန်လေး၊ ဗိုက်စကြီးတော့ ကိုယ်အလေးချိန်က ၈၈ပေါင်၊ OG ကပြောတာ ရတယ်။ တဖြည်းဖြည်း ၀အောင်လုပ်ယူကြ တာပေါ့တဲ့။ ကိုယ်ဝန် ၃၉ ပတ်မှာ ၁၂၂ပေါင် ရှိခဲ့ပါတယ်။ လူတိုင်းက ကျွန်မကို ပေါင်မပြည့်တဲ့ ကလေးမွေးမယ်။ မကျန်းမမာနဲ့ မွေးမယ်လို့ ထင်ထားကြတာ။ လူပိန်တိုိင်းလည်း ကလေးမကျန်းမာဘူးဆိုတဲ့ အယူအဆဟာ မှားယွင်းပါတယ်။ ၀သော ကိုယ်ဝန်ဆောင်က မွေးပြီး မကျန်းမမာနဲ့မွေးလာတဲ့ ကလေးတွေအများကြီးပါ။ ကျွန်မက ပုံမှန်အတိုင်းပဲ စားတာ။ ကိုယ်ဝန် ၃၂ပတ်ကျော်မှ တအားစားပြီး ကိုယ်အလေးချိန်လည်းတက်၊ ကလေးလည်း အထွားမြန်သွားပါတယ်။ မွေးတော့ သားသားက 3.1 kg ဆိုတော့ ကျွန်မ မှန်းထားတဲ့အတိုင်းပါပဲ။ ဒါတွေက ကျွန်မကိုယ်ဝန်ဆောင်ချိန်မှာ နေထိုင်ခဲ့တာတွေပါ။