မလိုင်လုံး

Fresh milk 2 liters (မလုိုင်လုံး လုပ်ရန်) ပထမအိုး
Fresh milk 1 liters ( မလုိုင်လုံး စိမ်ရန်) ဒုတိယအိုး
သကြား - ဟင်းခတ်ဇွန်း ၅ဇွန်း
ရှာလကာရည် (သုို့) သံပုရာသီး ၁ခြမ်း

ပထမအိုးအသေးတွင် မလိုင်လုံးစိမ်ရန် နုို့ 1 liters ကုို မလိုင်တက်ပြီး ပြစ်လာသည်အထိကြိုထားပါ။ မလိုင်တက်လာလျှင် မလိုင်ချည်း ဆယ်ပြီး မလိုင်လုံးကျိုထားတဲ့အိုးထဲသို့ (ဒုတိယအိုး) ပြောင်း ထဲ့ပေးပါ။ မလုိုင်ဖတ်ဆက်တက်လာတိုင်း ပြောင်းထည့်ပေးရပါမယ်။ မလိုင်လုံးစိမ်ရန် ဟင်းချိုဇွန်း ၁ဇွန်းရရင် ချလိုက်ပါ။ 

ဒုတိယအိုးထဲသို့ နွားနုို့ 2 liters ထဲကို သကြား ဟင်းခတ်ဇွန်း ၅ဇွန်း ထည့်ပြီး မီးအေးအေးဖြင့် ဆူလာသည် အထိကြိုပါ။ ၅ မိနစ်ခန့် ပွက် ပွက်ဆူနေပါစေ။ နုို့အုိုးဆူနေချိန်တွင် နုို့များဝေမကြစေရန် ဂရုပြုပါ။အုိုး မကပ်စေရန် သစ်သားယောင်းမဖြင့် မကြာခဏမွှေပေးပါ။ နုို့အုိုး တော်တော်လေးဆူလာချိန်တွင် ရှာလ ကာရည် (သုို့) သံပုရာရည်ကုို တဇွန်းချင်းထည့်ပါ။ တဇွန်းထဲ့ တခါမွှေပါ။ တဖြေးဖြေး နုို့ရည်များ ကြဲလာပြီး နုို့အဖတ်ကလေးများ ကွဲလာပါ လိမ့်မည်။ ၁နာရီခန့် မီးအေးအေးဖြင့် ကျိုပေးပါ။ မလိုင်လုံးကျိုထားသောအိုး လေးပုံ၁ပုံ ခန့်တွင် အုိုးကုိုမီးဖုိုပေါ်မှချပါ။ ဇလုံအကြီး ၁ခုတွင် ဇကာထည့်ပြီး အဲဒီအပေါ်ကို မလိုင်လုံးကျိုထားသောအိုး လောင်းချပြီး နုို့ရည် ကြည်များကုိုစစ်ထုတ်လုိုက်ပါ။ ရေကုန်သွားပြီဆုိုလျင် အ၀တ်ပါးထဲမှ နုို့ခဲကုို ဘန်းတခုထဲသုို့ထည့်ပြီး လက်ဖြင့်သေသေချာချာ ဖိနယ်ပေးပါ။ ခြေထားသော နုို့ခဲအနည်းငယ်ကုိုယူ၍ လက်ညှိုး နှင့်လက်မ ကြားတွင်ထည့်ပြီးအလုံးပုံစံရပြီဆုိုလျင်မိမိ စိတ်ကြိုက် အနေ အထား အတုိုင်း အလုံးလေးများပြုပါ။ နို့လုံး တင်းလာအောင် အအေးခံထားပါ။ 

 မလုိုင်လုံး ရရန် ဇကာနဲ့ စစ်ထားစဉ်

မလိုင်လုံးလေးများ

မလုိုင်လုံးစိမ်ရန် ကျိုထားသောအိုးထဲသို့ အအေးခံထားသော မလိုင်လုံးတွေ ပြန်ထည့်ပေးပါ။ 

Blog လာလည်သူအားလုံး ကျန်းမာရွှင်လန်းပါစေ ….

ကြက်သား ဒန်ပေါက်

ပါဝင်သော အရာများ
ကြက်ရင်အုပ် ၅ခု
ဒိန်ချဉ်
ကြက်သွန်နီ
ကရဝေးရွက်
သစ်ဂျပိုးခေါက်
လေးညှင်း
ဖလာ
မဆလာ ၃မျိုး (နာမည်မခေါ်တတ်လို့ပါ။ ကုလားဆုိုင်တွေမှာ သွားဝယ်ရင် သီးစုံချဉ်ဟင်းချက်ဖို့ဆိုရင် ၃မျိုးပေးတတ်တယ်။ ရန်ကုန်ကနေ၀ယ်လာတာ)
ထောပတ်
သခွားသီး
ချဉ်ပေါင်
ခရမ်းချဉ်သီး
မြစ်
ငပိစိမ်းစား
သံပုရာသီး
ငရုတ်သီးစိမ်း
နံနံပင်
စပျစ်သီးခြောက်
သီဟိုစေ့
အစိမ်းရောင် ပဲလုံးစေ့
ဆား
အချိုမှုန့်
Basamati Rice
Yellow Colouring
ငရုတ်အရောင်တင်မှုန့်

ကြက်သွန်နီ ၅လုံးကို အခွံခွာ ပါးပါးလှီးထားပါ

ကြက်ရင်အုပ် ၅ခုကို မနှယ်ခင် ဓားနဲ့အပေါ်က နဲနဲလှီးပါ။ ဇလုံ၁ခုထဲမှာ ကြက်ရင်အုပ်၅ခုကို ဆား၊ အချိုမှုန့်၊ မဆလာ ၃မျိုး၊ သစ်ဂျပိုးခေါက် ၁ခု၊ ကရဝေးရွက် ၅ရွက်၊ ဖလာ ၅စေ့၊ လေးညှင်း ၅စေ့၊ ဒိန်ချဉ် ဟင်းခတ်ဇွန်း ၃ဇွန်း၊ ထောပတ် ၁ခုရဲ့ ၁၀ ပုံ မှာ ၁ပုံစာ၊ ငရုတ်အရောင်တင်မှုန့် လက်ဖက်ရည်ဇွန်း ၁ဇွန်းရောနှယ်ပြီး မချက်ခင် ၁ည ရေခဲသေတာထဲတွင်နှပ်ထားပါ၊

Basamati ဆန်ကို ၃လုံးခွဲ ဆန်ဆေးသလိုဆေးပြီးသစ်ဂျပိုးခေါက် ၁ခု၊ ကရဝေးရွက် ၅ရွက်၊ ဖလာ ၅စေ့၊ လေးညှင်း ၅စေ့၊ စပျစ်ခြောက် (ကြိုက်သလောက်ထည့်နိုင်ပါတယ်)၊ သီဟုိုစေ့ (ကြိုက်သလောက်ထည့်နိုင်ပါတယ်) အစိမ်းရောင် ပဲသီးစေ့ (ကြိုက်သလောက်ထည့်နိုင်ပါတယ်)၊ ဆား လက်ဖက်ရည်ဇွန်း ၂ဇွန်းထည့်ပြီး ထမင်းချက်သလိုချက်ပါတယ်။ Rice Cooker နဲ့ချက်ပါတယ်။

ဒယ်အိုး ၁လုံးထဲမှာ ဆီ ၂၀သားထည့် ဆနွင်းနည်းနည်းထည့်ပြီး ပါးပါးလှီးထားသော ကြက်သွန်ကို ကြော်ပါတယ်။ ကြက်သွန်နီ ကျက်လာရင် ဆယ်ပြီး ဆီကိုသတ်သတ်ဖယ်ထားပါတယ်။

ဆီ ၃ကျပ်သားထည့်ပြီး လုံးထားသော ကြက်သားကိုထည့် ကြက်သွန်ကြော်ထည့်ပြီး မီးအေးအေးနဲ့လုံးပါတယ်။ ရေမကျန်အောင် ကြက်သားကိုချက်ရပါတယ်။

ဆန်ကြက်ရင် အိုးအကြီးကြီး ၁လုံးထဲမှာ ထမင်း ၁လွှာခင်းပါတယ်။ အရောင်ဖြန်းပါတယ်။ လက်ဖက်ရည်ဇွန်း ၃ဇွန်း သုံးပါတယ်။ ၂ဇွန်းက ကျဲကျဲဖြူးတာပါ။ ကျဲကျဲဖြူးတော့ အ၀ါရောင်ရပါတယ် ၁ဇွန်းက ၁နေရာထဲဖြူးတော့ အနီရောင်ရပါတယ် (အရောင်ဖြန်းတာအရေးကြီးပါတယ်။ အကုန်အပြည့်မဖြူးရပါဘူး ကျဲတောက်တောက်ဖြူးရပါတယ်)

အပေါ်ကနေ ထမင်း ၁လွှာ ထပ်ဖြူးပါတယ် အပေါ်ကနေ ကြက်သားထည့်ပါတယ်

အပေါ်က ထမင်း ၁လွှာ ထပ်ဖြူးပါတယ်။

မီးအေးအေးနဲ့ တည်ပါတယ် ထမင်းခပ်တဲ့ဇွန်းနဲ့ ဖွဖွလေး မွှေပါတယ်

ကြက်သားဒန်ပေါက်ရပါပြီ ... အကျက်ဖောက်နည်းနဲ့ချက်တာပါ

အချဉ်အတွက်က 

သခွားသီး ကြက်သွန်နီ ပါးပါးလှီး သံပုရာသီး ၁ခြမ်း၊ နံနံပင် ငရုတ်သီးစိမ်း ပါးပါးလှီး၊ ဆားအချိုမှုန့်နယ်ပါတယ်

ချဉ်ပေါင်ဟင်းချိုအတွက်က
ချဉ်ပေါင်ရွက်ခြွေ၊ မြစ်ပါးပါးလှီး
ဒယ်အိုး၁လုံးမှာ ရေထည့်ပြီး ရေဆူလာရင်  ဓားပြားရိုက်ထားသော ကြက်သွန်ဖြူ ၂မွှာကိုထည့်၊ ငပိစိမ်းစား အနည်းငယ်၊ ထောင်းထားသော ပုဇွန်ခြောက်ထည့်ပါ၊ ကြက်သွန်ဖြူအနံပျောက်မှ ချဉ်ပေါင်ရွက်၊ မြစ်ထည့်ပါ။ ဆား၊ အချိုမှုန့်ထည့်ပါ။ မြစ်နှုးပြီး ချခါနီးအချိန်မှ ငရုတ်သီးစိမ်း ခရမ်းချဉ်သီးထည့်ပါ။

ရခိုင်မုန့်တီသုတ် နှင့် ရခိုင်မုန့်တီအရည် (ရခိုင် style ရှုးရှဲ)

ရခိုင်မုန့်တီ အရည် နှင့် ရခိုင်မုန့်တီ အသုတ်

အခုတလော မုန့်တီသုတ်ကို ရခိုင်လို ရှုးရှဲစားချင်နေတာနဲ့ချက်လိုက်တာပါ။ အဲဒီနေ့က တကယ့်ရှုးရှဲပါပဲ။ စားလို့လဲကောင်းမှကောင်းပါ။ မင်းလမ်းကိုတောင်သတိရမိသေးတယ်။

Seabass ငါးအသေး၁ကောင်ဝယ်ပြီးသန့်စင်အောင်၁ခါထဲဆေးခိုင်းလိုက်ပါတယ်။ Seabass ငါးကို ဓားနဲ့စောင်းစောင်းမွှန်းပါတယ်။ ဆား၊ အချို့မှုန့်နှယ်ပြီး စပါးလင်၁ချောင်းကို ၃ပိုင်းပိုင်းပါတယ်။ ဂျင်းလက် ၁ဆစ်၊ ကြက်သွန်ဖြူ ၃မွှာကိုထောင်းထားပါတယ်။ အိုးထဲမှာ ရေ၁၀က်ထည့်ပြီး ဆူအောင်တည် ပါ တယ်။ ရေဆူလာရင် ဂျင်းလက်၁ဆစ်၊ ကြက်သွန်ဖြူ၃မွှာ ထောင်းထားတာထည့် ပါတယ်။ ဂျင်း၊ ကြက်သွန်ဖြူ အနံပျောက်မှ Seabass ငါးထည့်ပါတယ်။ မိနစ် ၂၀လောက် ပြုတ်ပါတယ်။ ငါးအသားနွှင်ပါတယ်။ Seabass ငါးကို ၃/၄ ပုံ၊ ၁/၄ ပုံဖယ်ထားပါတယ်။

ရခိုင်မုန့်တီအရည်တည်နည်း

ရခိုင်မုန့်တီအရည် အတွက်ပြင်ထားပုံ

ဂျင်းလက်၁ဆစ်၊ ကြက်သွန်ဖြူ ၃မွှာထပ်ထောင်းပါတယ်။ဒယ်အိုးထဲတွင် ရေ၁၀က် ထည့်ပြီး ဆူအောင် တည်ပါတယ်။ ရေဆူလာရင် ဂျင်းလက်၁ဆစ်၊ ကြက်သွန်ဖြူ ၃မွှာ ထောင်းထားတာထည့်ပါတယ်။ ငါးပိစိမ်းစား အနည်းငယ်ထည့်ပါတယ်။ အနံပျောက်ရင် Seabass ငါးကို ၃/၄ ပုံထည့်ပါတယ်။ ဆား၊ အချိုမှုန့်ထည့်ပါ တယ်။ ငရုတ်ကောင်းမှုန့် အနည်းငယ်ထည့်ပါတယ်။

ရခိုင်မုန့်တီသုတ် ရှူးရှဲပြင်နည်း

ရခိုင်မုန့်တီသုတ် ရှုးရှဲ အနီးကပ်

မုန့်ဟင်းခါးခြောက်ကိုရေစိမ်ထားပါတယ်။ ဒယ်အိုးထဲမှာ ရေထည့်ပြီး ရေပွက်ပွက်ဆူလာရင် ရေစိမ်ထားသော မုန့်ဟင်းခါးခြောက်ထည့်ပါတယ်။ ၈မိနစ်ဆိုရင်ဆယ် ပြီး ရေစစ်ထားပါ။

ငရုတ်သီးစိမ်းတောင့် ၃၀တောင့်လောက်ကို ဒယ်အိုး၁လုံးထဲထည့်ပြီး လှော်ပါ။

ကြက်သွန်ဖြူ ၁မွှာကို မီးဖုတ်ပါ။

လှော်ထားသော ငရုတ်သီးစိမ်းတောင့်၊ မီးဖုတ်ထားသော ကြက်သွန်ဖြူ ၁မွှာကို ထောင်းပါ။

မန်ကျည်းမှည့် အနည်းငယ်ကို ရေနွေးဖျော်ထားပါ။

ကြက်သွန်ဖြူ ၅မွှာကို ပါးပါးလှီးပြီး ကြက်သွန်ဖြူဆီချက် ချက်ထားပါ။

- နံနံပင်

- ဆား

- အချိုမှုန့်

- ပဲမှုန့်

စားမယ့်ပန်းကန်ထဲတွင် မုန့်ဖတ်ထည့်၊ Seabass ငါး ၁/၄ ပုံထည့်၊ အစပ်အနည်းငယ် (လှော်ထောင်းထားသော ငရုတ်သီးစိမ်းတောင့်၊ မီးဖုတ်ထားသော ကြက်သွန်ဖြူ ၁မွှာ)၊ (ကြိုက်တတ်ရင် ငပိထောင်း အနည်းငယ် ထည့်လို့ရပါတယ်)ဆားအနည်းငယ်၊ အချိုမှုန့်အနည်းငယ်၊ ပဲမှုန့် အနည်းငယ်၊ မန်ကျည်းမှည့် အနည်းငယ်၊ နံနံပင်အနည်းငယ်၊ ကြက်သွန်ဖြူဆီချက် အနည်းငယ်၊ ငါးဖယ်ကြော် ၁ခု (ကျွန်မက ငါးဖယ်ကြော် ထည့်ပြီးသုတ်စားပါတယ်) ထည့်ပြီး သုတ်ထားတာပါ။

အရင်ကလည်း ရခိုင်မုန့်တီ - အာပူလျှာပူ အကြောင်းရေးဖူးပါတယ်။ ဒီမှာပါ။

Blog လာလည်သူ အားလုံးပဲ ကျန်းမာရွှင်လန်းပါစေရှင် .....

ဖက်ထုတ်

ကျွန်မငယ်ငယ်က ဖက်ထုတ်အရမ်းကြိုက်တဲ့ ဆိုင်လေး ၁ဆိုင်ရှိပါတယ်။ ကျွန်မဖက်ထုတ်စ စားဖူးခဲ့တဲ့ဆိုင်လေး ပါ။ စစားခဲ့တုန်းက ကောင်းတဲ့ဆိုင်စားခဲ့ရတော့ နောက်စားခဲ့တဲ့ဆိုင်က ယခင်စားတာလောက်ကောင်းတယ်လို့ မ ထင်မိဘူး။ မေမေက ကျောင်းကပြန်တိုင်း ၁ခါ၁လေ ၀ယ်ကျွေးတယ်။ ကျွန်မထက် ကြီးတဲ့သူတွေက မှတ်မိကြ ပါလိမ့်မယ်။ မှတ်မှတ်ရရ ကျွန်မ ၄တန်းမရောက်ခင် အချိန်ကပါ။ ၁၉၈၅ မကျော်ခင်။ အဲဒီအချိန် ဖေဖေက UK မှာ။ ဆိုင်လေးက Yangon University Main Entrance ရှေ့ကလှည်းနဲ့ရောင်းတဲ့ဆိုင်လေးပါ။ (စိတ်မရှိပါ နဲ့နော်။ ကျွန်မပဆင့်တွေနဲ့မရိုက်တတ်ဘူး။ ပြောရရင် ဘယ်နားရှိမှန်းမသ်ိလ်ို့ပါ)။ ကျွန်မကိုယ်တိုင်လုပ်စားကြည့် ချင်လို့လုပ်ကြည့်တာပါ။ အခု အဲဒီ့ဆိုင်လေး မရှိတော့ပါ :(

လုပ်နည်းပြောပြမယ်နော်။ NTUC ကနေ wanton အဖတ်ဝယ်လာပါတယ်။ ကြက်သားကြိတ်ထားပြီးသားပါဝယ် ပါတယ်။ အရင်ဆုံး ကြက်သားကြိတ်ထားပြီးသားထဲက ၁၀က်သုံးပါတယ်။ ဇလုံ ၁ခုထဲမှာ ကြက်သားကြိတ်သား ၁၀က်၊ ဆား၊ အချိုမှုန့်၊ ပဲငံပြာရည် အနောက်၊အကြည်၊ ကော်မှုန့် အနည်းငယ် ကြိုက်တတ်ရင် ကြက်သွန်မြိတ် ပါးပါးလှီးထည့်ပါ)၊ ကြက်ဥကိုဖောက်ပြီးထည့်ပါတယ်။ ကျွန်မကဒီမှာ ကြက်သွန်မြိတ် ထည့်မထားပါဘူး။ ၁၅မိနစ် လောက်နှပ်ထားပါတယ်။ စပြီးဖက်ထုတ်လုပ်တော့မယ်ဆိုရင် လက်၂ဖက်လုံး ခြောက်သွေ့နေရပါ မယ်။ ရေမစိုစေရပါဘူး။ ရေစိုရင် ဖက်ထုတ်လုပ်ရာမှာ ဖက်ထုတ်အရွက်ကို ထုတ်မရဖြစ်တတ်ပါတယ်။ ဖက်ထုတ် ၁ရွက်ယူ၊ နှပ်ထားသောကြက်သားအနည်းငယ်ယူပြီး အလယ်ခေါင်ကိုပုံလိုက်ပါ။

ပုံမှာပြထားတဲ့အတိုင်းထုတ်လိုက်တာပါ။ စိတ်ရှည်ရှည်လုပ်ရပါတယ်။ နောက်၁ကြိမ်လုပ်စားဖြစ်မယ်မထင်ပါ။ ထည့်တဲ့အစာများသွားရင်လည်းအလယ်ကမကျက်တာဖြစ်တတ်ပါတယ်။ဖက်ထုတ်ပေါင်းလုပ်စားဖို့ရာအဆင်ပြေ မယ်မထင်ပါ။ ကျွန်မအိမ်မှာ ပေါင်းအိုးလဲ မရှိပါ။ ကျွန်မဖက်ထုတ်ကြော်မကြိုက်ပါ။ ဒါနဲ့ပဲဖက်ထုတ်ပြုတ်ဖြစ်သွား ပါတယ်။ လက်ကျန်ကြက်ရိုးကလဲရှိနေသေးတယ်လေ။ ဒယ်အိုး၁လုံးမှာ ရေထည့်၊ ရေဆူလာရင် ကြက်သွန်ဖြူ ဓားပြားရိုက်ထည့်၊ ကြက်သွန်ဖြူအနံပျောက်မှ ကြက်ရိုးထည့်၊ ၁၀မိနစ်နေမှ ဖက်ထုတ်အားလုံးကို ၁ခုချင်း ဆီဖြေးဖြေးထည့်ပါတယ်။ ဆား၊ အချိုမှုန့်ထည့်ပါတယ်။ ၁၅မိနစ်နေရင် ရပါပြီ။

ကိုယ်တိုင်ချက် မုန့်ဟင်းခါး

ကျွန်မမုန့်ဟင်းခါးကိုကြိုက်ပါတယ်။ရန်ကုန်ပြန်ရင်စားနေကျဆိုင်လေးရှိတယ်။ မောင်သိန်းမုန့်ဟင်းခါးခေါ်အင်း ယားလမ်းမဖြူ မုန့်ဟင်းခါးဈေးကိုကသူများထက် ၂ဆ၊၃ဆဈေးအရမ်းကြီးပါတယ်။ အဲဒီမုန့်ဟင်းခါးကို ဘယ်လောက်ကြိုက်လဲဆိုရင် ရောက်တဲ့နေ့မှာ အဲဒါပဲစားတာ။ ထမင်းတောင် မစားတော့တာ။ မေမေရှိစဉ်က ဘယ်လိုချက်သလဲဆိုတာ မေးဘူးတယ်။ သူတို့က ဘယ်တော့မှနည်း မပေးဘူး။ မေမေ မေးပါများတော့မှ ငါး ကျည်း၊ ငါးခူနဲ့ ချက်တာဆိုတာသိရတယ်။ ဒါပေမယ့်ချက်ကြည့်တော့လဲ မတူပါဘူး။ ကျွန်မက ဒီမှာ Seabass ငါးခူ၊ငါးကျည်းနဲ့၃မျိုးချက်တယ်။ ငါးကျည်းကအကောင်းဆုံးပဲ။ ကျွန်မငါးကျည်းနဲ့ချက်ပုံချက်နည်းပြောပြမယ်နော်။

ကုလားပဲလက်၁ဆုပ်စာကို ၁ညရေစိမ်ထားပါတယ်။ မနက်ရောက်လျင်ကုလားပဲကိုပြုတ်ပါတယ်။ ပြီးရင်Blender နဲ့ကြိတ်ထားပါတယ်။

မွှေးတံဆိပ် ဆန်စိမ်းမှုန့် ဟင်းခတ်ဇွန်း ၄ဇွန်းကို ရေအေးနှင့်ဖျော်ထားပါတယ်။

မြေပဲကို ငရုတ်ဆုံနဲ့ မညက်တညက်လေးထောင်းထားပါတယ်။

ကြက်ဥ ၅လုံးပြုတ်၊ အခွံခွာပြီး ပါးပါးလှီးထားပါတယ်။

အရင်ဦးဆုံး City Hall က နေ၀ယ်လာတဲ့ ငါးကျည်း ၁ထုတ်ကို ၁၀က်တိတိ သုံးပါတယ်။ ငါးကျည်းကို ငံပြာရည်၊ အချိုမှုန့်နယ်ပြီး စပါး လင် ၁ချောင်းကို ၃ပိုင်းပိုင်း၊ ဂျင်းလက်၁ဆစ်ပါထည့်ပြီး ပြုတ်ပါတယ်။ ငါးငြီနံပျောက်အောင် ပါ။ ၁၅ မိနစ်ဆိုရင် ငါးကျည်းနူးလောက်ပါပြီ။ ငါးကျည်းကို ဆယ်ပြီး အအေးခံထားပါတယ်။ အေးသွားပြီဆိုလျင် ငါးကျည်းကို အသားချည်းပဲနွံပါတယ်။ ငါးကျည်းအရိုးကို သတ်သတ်ဖယ်ထားပါတယ်။

ငါးကျည်းအရိုးကို ငရုတ်ဆုံထဲထည့်ပြီး ညက်နေအောင်ပြန်ထောင်းပါတယ်။ အရည်ထွက်လာအောင်ပါ။ ငါးကျည်း အရည်ကိုသပ်သပ်ပန်းကန်ထဲမှာ ထည့်ထားပါတယ်။

ဂျင်းလက်၂ဆစ်၊ ကြက်သွန်ဖြူ ၅တောင့်၊ စပါးလင် ၁ချောင်းကိုရောပြီး Blender နဲ့ကြိတ်လိုက်ပါတယ်။ ပြီးရင် ငရုတ်ဆုံထဲထည့်ပြီးညက်အောင် ထပ်ထောင်းပါတယ်။

မုန့်ဟင်းခါးချက်မယ့်အိုးမှာ ဆီအနည်းငယ်ထည့်ပြီး ဆနွင်းမှုန့်ထည့်ပါ။ ပြီးမှဂျင်း၊ ကြက်သွန်ဖြူ၊ စပါးလင်ထောင်း ထားတာကိုဆီသတ်ပါတယ်။ မွေးလာပြီး အ၀ါရောင်သန်းလာပြီဆိုလျင် အရောင်တင်မှုန့်အနည်းငယ် ထည့်ပါ တယ်။ ငါးကျည်းနွှင်ထားပြီးသား အသားကိုထည့်ပါတယ်။ အိုးမကပ်အောင် အဆက်မပြတ် မွှေပေးနေပါ။ ဆီပြန်လာခါနီး အချိန်မှ ငါးကျည်းပြုတ်ထားသောအရည်ကို ထည့်ပါတယ်။ ပြီးရင် ငါးကျည်းထောင်းထားသော အရည်ထည့်ပါတယ်။ ပွက်ပွက်ဆူအောင်စောင့်ပြီး ဆန်စိမ်းမှုန့်အရည်ဖျော်ထားတာရယ်၊ ကုလားပဲထောင်း ထားပြီးသားကို ထည့်ပါတယ်။ မြေပဲထောင်းထားပြီးသားပါ ထည့်ပါတယ်။ ကြက်သွန်နီ အလုံးသေးသေးလေးတွေ ထည့်ပါတယ်။ ကြက်ဥ ပါးပါးလှီးထားတာပါ ထည့်ပါတယ်။ မုန့်ဟင်းခါးဟင်းရည်ကျအောင်တည်ပါတယ်။

မုန့်ဟင်းခါးဟင်းရည်ပျစ်ပျစ်ကြိုက်သူများက Seabass ငါးနှင့်ချက်လျင်ကောင်းပါတယ်။ ကျွန်မကတော့ ငါးကျည်း နှင့်ချက်တာကိုပိုကြိုက်ပါတယ်။

ငှက်ပျောအူရှိရင်ငှက်ပျောအူပါးပါးလှီး၊ဆနွင်းမှုန့်အနည်းငယ်ထည့်ပြီးရေစိမ်ပါ။ပြီးရင်အိုး၁လုံးမှာထည့်ပြီးနှုးအောင်ပြုတ်ပါ။

မုန့်ဟင်းခါးထဲကို ပဲကြော်၊ နံနံပင်၊ သံပုရာသီး၊ ငရုတ်သီးမှုန့်ထည့်ပြီး သုံးဆောင်နိူင်ပါပြီရှင် ....

ငါးကျည်းနှင့်ချက်သောမုန့်ဟင်းခါး (အနီးကပ်)

ငါးကျည်းနှင့်ချက်ထားသော မုန့်ဟင်းခါးအိုး (အနီးကပ်)

ငါးခူနှင့်ချက်သောမုန့်ဟင်းခါး

Seabass ငါးနှင့်ချက်သော မုန့်ဟင်းခါး

အားလုံးပဲ ကျန်းမာရွှင်လန်းပါစေရှင် ...

လမ်းသရဲမုန့်

လိုအပ်သော ပစ္စည်းများ

Blog မရေးဖြစ်တာ အတော်ကြာသွားပြီ။ ဒီ၁ခါ အားလုံးသိပြီးပြီဖြစ်တဲ့ လမ်းသရဲမုန့် ခေါ် ရေမုန့် ခေါ် မုန့်ရေပါး အကြောင်း ပြောပြမယ်နော်။ ကျွန်မ အရမ်းကြိုက်တဲ့ မုန့်ပါ။ ကျော်စားတဲ့နေ့ဆို ၁ခါ၁လေ ထမင်းနည်းနည်းပဲစား တာ။

ဆန့်မှုန့် ဆန်ခြင်ခွက် ၁ခွက်၊ ရေ ဆန်ခြင်ခွက် ၂ခွက်၊ ဆန်မှုန့် နှင့် ရေက ၁:၂ ဖြစ်ရပါမယ်။ လက်နဲ့ မွှေပေးပါ။ ဆား၊ အချိုမှုန့် ထည့်ပါ။ ဂေါ်ဖီထုတ်ပါးပါးလှီး၊ ပဲပြုတ်၊ နံနံပင် ပါးပါးလှီး၊ ငရုတ်သီးစိမ်းတောင့် ပါးပါးလှီး၊ ခရမ်းချဉ် သီး ၁လုံး ပါးပါးလှီး၊ ကုလားလေး မဆလာ အဆင့်သင့် လုပ်ထားပါ။ ဒယ်အိုးပြားဖြစ်ရပါမယ်။ ဆီက ၁ချပ်ကို ဟင်းခတ်ဇွန်း ၂ဇွန်းထည့်ပါ။ ဆီပူလာလျင် ယောက်ချို ဇွန်း ဖြင့် အနီးကပ် လောင်းထည့်ပါ။ အနီးကပ်လောင်း ထည့်မှ ၀ိုင်းဝိုင်းလေး ဖြစ်လာမှာပါ။ တဆက်ထဲ ဂေါ်ဖီဖြူး၊ ပဲပြုတ်ဖြူး၊ ခရမ်းချဉ်သီးဖြူး၊ နံနံပင်ဖြူး၊ မဆလာဖြူး ပြီး အဖုံးအုပ်ထားပါ။ ဘေးသား ကျွတ်လာရင် ရပါပြီ။ ဘေး သား မကျွတ်ခင် မမွှေပါ နဲ့။ မွှေလိုက်ရင် ပုံစံပျက်ပြီး ပစ်လိုက်ရတတ်ပါတယ်။ အိုးကို နည်းနည်းလှုပ်ပါ။ ၅ခုလောက်တော့ ရပါတယ်။

၂ယောက်လုံးကလည်း အရမ်းကြိုက်တော့ နောင်အမြဲလုပ်စားဖြစ်မယ့် မုန့်လေး ဖြစ်လာဦးမှာပါ။

အနီးကပ်

လမ်းသရဲမုန့်

ကျွန်မ ချက်ထားပြီး မတင်ဖြစ်တာတွေ အများကြီးပါ။ ကြိုးစားပြီးတင်ပါ့မယ်။ စောင့်မျှော်ပါဦးနော်။ လာကြည့်ပြီး ဘာမှမရှိပဲ ပြန်သွားရတဲ့ အတွက် အားလုံးကို အားလဲ အရမ်းအားနာပါတယ်။

အားလုံးပဲ ကျန်းမာရွှင်လန်းပါစေရှင် ...

ကြာဇံကြော် နှင့် ၀က်သားတုတ်ထိုး

ရန်ကုန်ရောက်လျင် ဗိုလ်ချုပ်ဈေး တံတားအောက်က ကြာဇံကြော် နှင့် ၀က်သားတုတ်ထိုး သွားစားနေကျဆိုင် လေးပါ။ ရောက်တိုင်းစားဖြစ်ပါတယ်။ နောက်ဆုံး၁ခေါက်က အစ်မ၁ယောက်က သူ့ဆိုင်လာလို့ဆိုပြီး လိုက်ကျွေး တာ။ ၁ပွဲကို ၁၀၀၀နဲ့တူတယ်။ ဗိုလ်ချုပ်ဈေး တံတားအောက်ကဆိုင် အလွမ်းပြေပေါ့။ စားဖူးတဲ့သူတိုင်းတော့ သိကြမှာပါ။ နာမည်ကြီးပါတယ်။ ကျွန်မကတော့ ဆိုင်နာမည်တွေ ဘာတွေအမှုမဲ့ အမှတ်မဲ့ပါပဲ။

အရင်ဦးဆုံး ၀က်သားတုတ်ထိုး (သရက်ရွက်၊ အူချို၊ အသည်း၊ နှလုံး) အတွက် ရေအထပ်ထပ်ဆေးပါတယ်။ Wet Market က၀ယ်လာတာပါ။ သရက်ရွက်၊ အူချို နှင့် အသည်း ၁ကျပ်ဖိုး ဆီဝယ်လာခဲ့တာပါ။ ၁ကျပ်ဖိုးပေမယ့် အများကြီးရပါတယ်။ နှလုံးကတော့ ဈေးမမှတ်မိတော့ဘူး။ ၁ခါ၁လေ ဆိုင်ရှင်ကသဘောကောင်းတာနဲ့ကြုံရင် နို့အုံသားပါ အဆစ်ရတတ်ပါတယ်။ ရေသေချာအထပ်ထပ်ဆေးပြီး ဆား၊ အချိုမှုန့်၊ ပဲငံပြာရည် အနောက် အနည်းငယ်၊ ပဲငံပြာရည် အကြည် အနည်းငယ်၊ သကြား ဇွန်းဝက်စာကိုထည့်နှယ်ပြီး မချက်ခင်ညမှာ ၁ညသိပ်ပြီး နှပ်ထားပါတယ်။ ဆီထည့်ပြီး ဆီအနည်းငယ်ပူလာလျင် ဖလာ ၂စေ့၊ လေညင်းပွင့် ၂စေ့၊ သစ်ဂျပိုးခေါက် ၄ရွက် ကိုထည့်ပြီး ဆီသတ်ပါတယ်။ နှပ်ထားသော ၀က်ကလီစာများကိုထည့်ပါတယ်။ ၁နာရီနီးပါးလောက်တည်ပြီး နူးပြီဆိုလျင် အအေးခံပြီး အနေတော်လှီးပါ။

ကြာဇံ၁ထုတ်လုံးကို ၁ညရေစိမ်ထားပါတယ်။ မနက်ရောက်ရင် ရေစိမ်ထားသောကြာဇံကို ကတ်ကြေးဖြင့်ဖြတ်ပါ တယ်။ ဂေါ်ဖီ ၁၀က်ကို ပါးပါးလှီးပြီး ရေဆေးပါ။ ကြက်သွန်နီ၁ခြမ်းကို ပါးပါးလှီးထားပါ။ ဆီထည့်ပြီး ပါးပါးလှီးထားသောကြက်သွန်နီကို ဆီသတ်ပါတယ်။ အ၀ါရောင်သန်းစပြုလာရင် လှီးထားသော ဂေါ်ဖီထည့်ပါ တယ်။ ရေစိမ်ထားသော ကြာဇံထည့််ပါတယ်။ ပဲငံပြာရည် အနောက် အနည်းငယ်၊ ပဲငံပြာရည် အကြည် အနည်း ငယ်၊ ဆား နှင့် အချိုမှုန့် ထည့်ပါတယ်။ ရေနွေးအနည်းငယ်ထည့်ပါတယ်။ အိုးမကပ်အောင် လက်နဲ့ အတော် မွေယူရပါတယ်။ လက်ဖြင့် အသာဆိတ်ကြည့်ပြီး နှုးပြီဆိုလျင်ရပါပြီ။

ဝက်နံရိုး ကော်ရည် ခေါက်ဆွဲ

အရင်ဦးဆုံး ၀က်နံရိုးကို ဆား၊ အချိုမှုန့် နှယ်ပြီး ၁ည နှပ်ထားလိုက်ပါတယ်။ ရေထည့်၊ အနံပျောက်သွားအောင် ဂျင်း လက်၁ဆစ်ပါ ထည့်ပြီး ၁နာရီခန့်ကြာအောင် ပြုတ်ပါတယ်။ ကန်စွန်းရွက် ရေဆေးပြီး အနေတော်လှီးပြီး ရေနွေးဆူဆူမှာ ထည့်ပြီး ပြုတ်ပါတယ်။ ပဲပင်ပေါက်ကို ရေဆေးပြီး ရေနွေးဆူဆူမှာ ထည့်ပြီး ပြုတ်ပါတယ်။ မှို ခြောက်ကို ရေဆေးပြီး ပြုတ်ပါတယ်။ ဇကာမှာ ပြုတ်ထားသော ကန်စွန်းရွက်၊ ပဲပင်ပေါက်၊ မှိုခြောက်ကို ရေစစ်ပြီး ပန်းကန်ထဲမှာ ထည့်ထားပါတယ်။ ခေါက်ဆွဲဖတ်က NTUC, Fair Price ကနေ ၀ယ်လာတော့ ခေါက်ဆွဲဖတ်ကို ရေဆူုဆူမှာ ၅မိ်နစ်ထားပါတယ်။ ရေသွန်ပစ်ပြီး ပန်းကန်ထဲမှာ ထည့်ထားပါတယ်။ ဒယ်အိုး ၁လုံးထဲမှာ ရေထည့် ပြီး ရေဆူလာရင် ကော်မှုန့် ဟင်းခတ်ဇွန်း ၃ဇွန်း အမောက် ထည့်ပါတယ်။ ပဲငံပြာရည် အကြည် အဖုံးပြည့် ၂ခွက် ထည့်ပါတယ်။ ပဲငံပြာရည် အနောက် အနည်းငယ်၊ ခရုဆီ အနည်းငယ်ထည့်ပါတယ်။ ယောင်းမဖြင့် မွေပေးပါ။ ဆား၊ အချိုမှုန့်ထည့်ပါ။ ကြက်ဥ ၁လုံးကို ဖောက်ပြီး နှာနှာခေါက်ပါ။ ယောင်းမဖြင့် မွေနေတဲ့ အချိန်မှာ နှာနှာ ခေါက်ထားသော ကြက်ဥအရည်ကို ဇွန်းမှာ ခပ်ပြီး ဇြည်းဖြည်းချင်း ထည့်ပြီးမွေပါ။ ကြက်ဥအမျှင် အဖတ်လေးတွေ ဖြစ်လာပါလိမ့်မယ်။ ၀က်ပြုတ်ရည်ပါထည့်ပေးပါ။ ပွက်ပွက်ဆူလာလျင်ရပါပြီ။ ပန်းကန်ထဲမှာ ခေါက်ဆွဲဖတ်ထည့်၊ ကန်စွန်းရွက်ထည့်၊ ပဲပင် ပေါက်ထည့်၊ မှိုခြောက်ထည့်၊ ၀က်နံရိုးထည့်၊ ကော်ရည်ထည့်၊ ကြက်သွန်ဖြူကြော် ထည့်ပြီး စားနိုင်ပါပြီ။ ငပိ ထောင်းကို သံပုရာရည်ညစ်ပြီး သုံးဆောင်ရင် အလိုက်ဖက်ဆုံးပါပဲ။

ဝက်နံရိုး ကော်ရည် ခေါက်ဆွဲ အတွက် ပြင်ဆင်ထားပုံ

ခေါက်ဆွဲ၊ ကန်စွန်းရွက်ပြုတ်၊ ပဲပင်ပေါက်ပြုတ်၊ ၀က်နံရိုးပြုတ်၊ ငပိထောင်း၊ မှိုခြောက်ပြုတ်၊ ကော်ရည်၊ ကြက်သွန် ဖြူဆီချက်

ငပိထောင်းလုပ်နည်းက ဒီမှာ ရေးပြီးသားမို့လို့ မရေးတော့ဘူးနော်။

တို့ဖူးသုတ် နှင့် တို့ဖူးကြော်

တို့ဖူးကျိုအပြီး

မွှေးတံဆိပ် ကုလားပဲ ပဲအစိမ်းမှုန့် ၁ထုပ် လုံးသုံးထားပါတယ်။ ဆန်ချင်ခွက် နဲ့ ၂ခွက်ပဲရပါတယ်။ ၂ခွက်ကို ရေက ၅ခွက်ခွဲပါ။ ရေအချိုးအစားက အရမ်း အရေးကြီးပါတယ်။ ပြီးရင် ပလပ်စတစ်ဇလုံထဲမှာ ပဲအစိမ်းမှုန့် ဆန်ချင်ခွက် နဲ့ ၂ခွက်၊ ရေက ဆန်ချင်ခွက်နဲ့ ၅ခွက်ခွဲ၊ ဆနွင်းမှုန့် အနည်းငယ်၊ ဆား အနည်းငယ်၊ အချိုမှုန့် အနည်းငယ် ထည့် ပါ။ ပဲအစိမ်းမှုန့် လုံးမသွား အောင် ကြက်ဥခေါက်တဲ့အတံနဲ့ နာနာမွေပေးပါ။ ပြီးရင် ဒယ်အိုးထဲကို အားလုံး လောင်းထည့်လိုက်ပါ။ မီးဖွင့်ပြီး ယောင်းမဖြင့် အိုးကပ်မသွားအောင် နာနာ မွေပေးပါ။ လက်အတော်ညောင်း လောက်အောင်ကို မွေရပါတယ်။ ၁၅မိနစ် လောက် မွေပြီးရင် ရပါပြီ။ ထို့နောက် ပန်းကန်ပြားပြား၊ အ၀ကျယ် ကျယ် ၁ခုထဲကို လောင်း ထည့် လိုက်ပါ။ ၁နာရီလောက် အအေးခံပြီးရင် ရပါပြီ။

တို့ဖူးသုတ် အတွက် ပြင်ဆင်ထားတာ

တို့ဖူး၊ ဂေါ်ဖီ ပါးပါးလှီး၊ နံနံပင်၊ ကြက်သွန်ဖြူ ဆီချက်၊ ရှောက်ရွက် ပါးပါးညှပ်ထားတာ၊ ငရုတ်သီးမှုန့်၊ ပဲအကျက် မှုန့်၊ ငံပြာရည်၊ အချိုမှုန့်၊ ငံပြာရည်၊ မန်းကျည်းအနှစ်ကို ဖျော်ထားပြီးသား၊ (ပုဇွန်ခြောက်မှုန့်၊ ကြက်သွန်နီ ပါးပါးလှီးထား တာ ကြိုက်တတ်ရင် ထည့်စားလို့ရပါတယ်)

တို့ဖူး မသုတ်ခင်

တို့ဖူးသုတ်

တို့ဖူးကြော်

မြိတ်ကတ်ကြေးကိုက်

ကြက်သွန်ဖြူ၊ ကြက်သွန်နီ၊ ဂျင်း၊ ငရုတ်ပွတို့ကို ညက်နေအောင်ထောင်းပြီး ဆီသတ်ပါတယ်။ နွမ်းပြီဆိုလျင် အရောင်တင်မှုန့် အနည်းငယ် ထည့်ပါ တယ်။ သိပ်မကြာခင်မှာ ကြက်သား၊ ပုဇွန်၊ ပြည်ကြီးငါး လှီးထားတာ ထည့် ပါတယ်။ နှုးပြီဆိုမှ ရေစိမ်ထားသော ခေါက်ဆွဲပြားထည့်ပါတယ်။ ခေါက်ဆွဲ အပြား အနည်းငယ်ပျော့ပြီဆိုလျင် ပဲပင်ပေါက်ထည့်ပါတယ်။ ခဏအကြာ မှာ ပဲပြုတ် ထည့်ပါတယ်။

အချဉ်အတွက်ကိုတော့ ကြက်သွန်နီ၊ ငရုတ်သီးစိမ်း ပါးပါးလှီး၊ ဆား၊ အချိုမှုန့်၊ နံနံပင် ထည့်ပြီးနယ်ပါတယ်။

ဆီချက်ခေါက်ဆွဲ

ဆီချက်ခေါက်ဆွဲ အတွက် ပြင်ဆင်ထားပုံ

ဆီချက်ခေါက်ဆွဲ ပြင်ဆင်ပြီး

Christmas Eve က လုပ်စားဖြစ်တာ။ ပျင်းလို့ အခုမှပဲ တင်ဖြစ်တော့တယ်။ ခေါက်ဆွဲဖတ်က NTUC Fair Price က၀ယ်လာတဲ့ Fortune Teochew Mee Pok Noodles ပါ။ ၁ထုတ်ကို ၄ယောက်လောက် ကောင်းကောင်းစားလို့ ရပါတယ်။ အိုး၁လုံးထဲမှာ ရေထည့်ပြီး ရေပွက်ပွက်ဆူမှ ခေါက်ဆွဲဖတ်ထည့်ပြုတ်ပါ။ အရင်ဆုံး ကြက်သားကို အချိုမှုန့်၊ ဆား ထည့်ပြီး အသားထဲစိမ့်ဝင်အောင်နှယ်ပါတယ်။ ပြီးရင် ကြက်သွန်ဖြူ ၂မွှာလောက်ကို အခွံနွာ၊ ဓားပြားရိုက် ပြီး ကြက်သားနှင့်အတူ ဆီထွက်တဲ့ အထိနှုးအောင်ပြုတ်ပါတယ်။ ဘဲသားနဲ့လုပ်ရင် အကောင်းဆုံးပေါ့။ ဘဲသားနဲ့လုပ် ရင်ကြာမှာစိုးလို့ ကြက်သားနဲ့ပဲလုပ်လိုက်တာပါ။ ကြက်သားနှုးပြီဆိုလျင် ကြက်သားဖတ်တွေကို ဆယ်ပြီး အအေးခံထားပါ။ ပြီးရင် ကြက်သားကို အသားဖတ်ချည်းပဲနွင်ပြီး ပါးပါးလေးဖြစ်အောင်လှီးပါ။ ကြက်အရိုးကို ကြက်သားပြုတ်ထားသောအိုးထဲ ပြန်ထည့်လိုက်ပါတယ်။ ကြက်သွန်မြိတ်ကို ပါးပါးလှီးပြီး ထည့်ပါတယ်။ ငရုတ်ကောင်းမှုန့် အနည်းငယ်ကိုလည်း ထည့်ပါတယ်။ ဆီချက်ခေါက်ဆွဲအတွက် လိုက်ဖက်တဲ့ အရည်သောက်၁ခွက် ရပါပြီ။ ဆီချက်ခေါက်ဆွဲကို အပေါ်ကနေ ဆီချက်ဖြူးရန်အတွက် ကြက်သွန်ဖြူကို အစိတ်သေးသေးလေးတွေ ဖြစ်အောင်လှီးပြီး မီးအေးအေး ဖြင့်ကြော်ပါ။ ဒီမှာ မကြော်ထားဘူး။ ကျွန်မကြော်ရင် တူးသွားပြီး စားမကောင်းမှာစိုးလို့။

ဆီချက်ခေါက်ဆွဲစားတော့မယ်ဆိုရင် ခေါက်ဆွဲဖတ်၊ နှမ်းဆီမွှေး၊ ပဲငံပြာရည်အကြည်၊ ဆား၊ အချိုမှုန့်၊ ကြက်သွန်မြိတ်၊ ကြက်သွန်ဖြူကြော်ကို အပေါ်ကနေလှအောင်ဖြူးလိုက်ပါ။

ရခိုင်မုန့်တီ - အာပူလျှာပူ

စားချင်စိတ်ဖြစ်လာတာနဲ့ ထချက်လိုက်တာ။ နာရီဝက်ပဲကြာတယ်။ ကျွန်မရခိုင်မုန့်တီက အာပူလျှာပူလို့ ပြောပေ မယ့် မစပ်အောင် ချက်ထားတာပါ။ အစပ်အနည်းအကျဉ်းတော့စားပါတယ်။ အများကြီး စားလို့မရလို့ပါ။ ရခိုင် မုန့်တီကို ကျွန်မချက်သလို မျှဝေလိုက် ပါတယ်။

အရင်ဆုံး မြောင်းမြဒေါ်ချိုချက်တုန်းက ကျန်တဲ့ မုန့်ဖတ်ကို ရေစိမ်လိုက်ပါတယ်။ မုန့်ဖတ်ပျော့ပြီးဆိုလျင် အိုးထဲမှာ ရေထည့်ပြီး ဆူအောင် တည်လိုက်ပါတယ်။ ရေဆူမှ မုန့်ဖတ်ထည့်ပါတယ်။

နောက်အိုး၁လုံးဖြင့် ငါးခူကို ငံပြာရည်၊ အချိုမှုန့်နယ်ပြီး စပါးလင်ထည့်ပြုတ် ပါတယ်။ အနံမွေးအောင်လို့ပါ။ ဂျင်း၊ ကြက်သွန်ဖြူ၊ ငရုတ်သီးစိမ်းတောင့်ကို ညက်နေအောင် ထောင်းပါ။

နောက်အိုး၁လုံးဖြင့် ရေထည့်ပြီး ဆူအောင်တည်ပါ။ ရေဆူပြီဆိုလျင် ဂျင်း၊ ကြက်သွန်ဖြူ၊ ငရုတ်သီးစိမ်း ထောင်းထားတာတွေကို ထည့်ပါ။ စိမ်းစားငပိ အနည်းငယ်ထည့်ပါ။ အနံပျောက်ပြီဆိုလျင် မီးခဏပိတ်ထားပါ။

ငါးခူတည်ထားသောအိုးမှ ငါးခူနှုးပြီဆိုလျင် ငါးခူချည်းပဲဆယ်ပြီး အအေးခံထားပါ။ ငါးခူ ပြုတ်ထားသောအိုးထဲမှ အရည်အားလုံးကို ဂျင်း၊ ကြက်သွန်ဖြူ၊ ငရုတ်သီးစိမ်းထောင်းထားသော အိုးထဲသို့ လောင်းထည့်လိုက်ပါ။ ငါးခူကို အသားချည်းပဲနွင်ပါ။ လက်ဖြင့်ငါးခူ ကိုကြေအောင်လုပ်ပါ။ ပြီးရင်အိုးထဲသို့ ငါးခူအသားများထည့်လိုက်ပါ။ ဆား၊ အချိုမှုန့်၊ ငံပြာရည် ထည့်ပါ။ အပေါ့အငန်မြည်းပြီလျင် ချလို့ရပါပြီ။

ရခိုင်မုန့်တီကို မန်ကျည်းမှည့်ဖျော်ထားသောအရည်၊ နံနံပင်၊ ဆီချက်၊ ပဲကြော်တို့ဖြင့်ထည့်ပြီးစားနိုင်ပါတယ်။ ကျွန်မပုံထဲမှာ အစုံပါအောင် ထည့်မရိုက်ထားဘူး။ ကျွန်မက မုန့်ဖတ်ထည့်၊ ပဲကြော်ထည့်၊ အရည်ထည့်။ ဒါက ကျွန်မစားတဲ့ပုံစံ ...

Mandalay မြီးရှည်

Mandalay ဗထူးကွင်းနားမှာ ရောင်းတဲ့ မြီးရှည် အရမ်းစားချင်နေတာ။ ဒါကြောင့် ကိုယ့်ဟာနဲ့ကိုယ် တတ်သလောက် မှတ်သလောက် လုပ်စားလိုက်ပါတယ်။ လာစားကြပါဦးလား...

လာစားကြသော သူငယ်ချင်းများကိုကျေးဇူးတင်ပါတယ်။ ကျွန်မရဲ့ ပထမဆုံးအကြိမ် မြီးရှည်ကို ကိုယ်တိုင်လုပ်ထားတာပါ။

ပါဝင်သောအရာများ

နန်းလတ်အဖတ်ကို ရေနွေးဖြင့်စိမ်ထားပါ။ ၀က်သားကို ဆား၊ အချိုမှုန့်၊ ပဲငံပြာရည်အကြည်ရည် အနည်းငယ် ထည့်ပြီး နှုးအောင်ပြုတ်ပါ၊ ပြီးရင် ၀က်သားကို နုတ်နုတ်စင်းပါ။ ပဲပင်ပေါက် ကို ရေနွေးဖျော် ထား ပါ။ ကော်မှုန့်ကျိုပါ။ ၀က်သားအရည်ကို တစ်ဝက်ဖယ်ထားပြီး တစ်ဝက် ကို ရေနွေးစိမ်ထားသော နန်းလတ် အဖတ်ဖြင့် ဇကာလေးထဲမှာ ၃၊၄ကြိမ်စစ်ပါ။ ပြီးရင် ပန်းကန်လေးထဲမှာ နန်းလတ် အဖတ် ကို ပုံထားပါ။ ထို့နောက် ပဲငပိအနည်းငယ်၊ ကြက်သွန်ချဉ်၊ ကြက်သွန်ဖြူ ငါးမွှာကို မီးဖုတ်ပြီး ထောင်းပြီး နံနံပင် ရှာလကာရည် နှင့်ရော၊ ဆီထည့်ပြီး ဆီကျက်ပြီး ခဏကြာမှ ငရုတ်သီး အရောင်တင်မှုန့်ှ၊ ငရုတ်သီးမှုန့်၁ဇွန်းရော၊၀က်သားနုတ်နုတ်စင်း၊ ဆား၊ အချိုမှုန့်၊ ပဲပင်ပေါက်၊ ဆီချက်အနည်းငယ်၊ ကော်မှုန့် အနည်း ငယ်၊ ရှမ်းကြက်သွန်ချဉ် တို့ကိုထည့်ပါ။ အပေါ်ကနေ စအုကြော်၊ တရုတ်နံနံ (သို့မဟုတ်) ကြက်သွန်မိတ် (ကျွန်မ က စအုကြော်၊ တရုတ်နံနံ၊ ကြက်သွန်မိတ် မကြိုက်လို့မထည့်ထားတာပါ)

အရည်သောက်အတွက်ကတော့ ၀က်ပြုတ်ရည်ကို မသွန်ပစ်ပဲ ငရုတ်ကောင်းမှုန့်ဖြူးပြီး နံနံပင် ခတ်ထားတာပါ

Mandalay မြီးရှည် လုပ်နည်းက အခုမှရောက်လာလို့။ နောက်မှ Mandalay မြီးရှည် ထပ်ပြီးလုပ်ကျွေးဦးမယ်။ အခုတော့ အဖြစ်လောက်ပဲ။ အာသာပြေမြီးရှည်ပေါ့။

Mandalay နန်းကြီးသုတ်

1. နန်းကြီးဖတ် ရေနွေးဖျော် ၊ 
2. မန်းတလေး ပဲမှုန့်၊ 
3. ပဲပင်ပေါက် ရေနွေးဖျော်၊ 
4. ငါးဖယ်ကို ဂျင်း ကြက်သွန်ဖြူ၊ ဆား၊ အချိူမှုန့်ထည့်ပြီးရောမွေ ပြီးရင်ထောင်း၊ ဒယ်အိုး ထဲမှာရေနွေး ပွက်ပွက်ဆူလာပါက ဂျင်းဓားပြား ရိုက်ထားတာ ကြက်သွန်ဖြူဓားပြားရိုက်ထားတာထည့်ပြီး ၅မိနစ်နေမှ ငါးဖယ်ကို လုံးပြီးထည့်ပါ။ 
5. ကြက်သားကို အသားချည်းပဲဝယ်ပါ ဒယ်အိုး ထဲမှာရေနွေး ပွက်ပွက်ဆူလာပါက ဂျင်းဓားပြားရိုက်ထားတာ ကြက်သွန်ဖြူ ဓားပြား ရိုက်ထားတာ ထည့်ပြီး ၅မိနစ်နေမှဆားအချိူမှုန့် ကြက်သားနှယ်ထားတာထည့်ပြီး ပြုတ်ပါ။ ကြက်သားနှုးလာလျင် ကြက်သားချည်းဆယ်ပြီး အအေးခံထားပါ။
6. ကြက်ပြုတ်ရည်ထဲကို ငါးဖယ် ပြုတ်ရည် ထည့်ပြီး ပွက်ပွက်ဆူပါက နံနံပင်ထည့်လိုက်ပါ။ ကြက်သားကို အမျှင် ရအောင် နွင်ပါ။ 
7. ဆီ ၂၅ကျပ်သားခန့်ထည့်ပြီး ကြက်သွန်နီ ကြက်သွန်ဖြူ ဂျင်းထောင်းပြီး ဆီသတ်ပါ။ ငရုတ်အရောင်တင်မှုန့်ထည့် ကြက်သားထည့်ပြီး ဆီပြန်လာလျင်ရပါပြီ။
8. ကြက်သွန်နီ ၅လုံးကို အခွံခွာပြီး အ၀ိုင်းလှီးပါ။ သံပုရာသီးစိတ်ပါ။ နံနံပင် ပါးပါးလှီးပါ။ အကြွတ်ကြော် အတွက် ခေါက်ဆွဲ အ၀ါရောင်ကို ဒယ်အိုးထဲမှာ ဆီထည့်ပြီး မီးအေးအေးနှင့် အညိုရောင်သန်းလာတဲ့အထိကြော်ပါ။ 

ပြင်ဆင်ပုံ

နန်းကြီးဖတ်၊ ကြက်သားဖတ်၊ ငါးဖယ်လုံး၊ မန်းတလေး ပဲမှုန့်၊ ပဲပင်ပေါက်၊ ဆား၊ အချိုမှုန့်၊ အကြွတ်ကြော်၊

အချဉ်အတွက် = ကြက်သွန်နီအကွင်းလိုက်၊ သံပုရာသီး

Mandalay ကြာဇံချက်

ကြက်သားကို ဆား၊ ငံပြာရည်၊ အချိုမှုန့်တို့ဖြင့် အသားထဲ စိမ့်ဝင်သွားအောင် နယ်ပါ။ ငါးဖယ်ကိုထောင်းပြီး ပြုတ် ပါ၊ ပြီးရင် ရေထည့်ပြီးပြုတ်ပါ၊ နှုးတဲ့အထိပြုတ်ပါ၊ ပြုတ်ထားသော အရည်များကို မသွန်ပစ်ပါနှင့်။ တစ်ချိန် ထဲတွင် ကြက်သွန်နီ၊ ကြက်သွန်ဖြူ၊ ဂျင်း၊ ငရုတ်ပွခြောက် အားလုံးကို ညက်နေအောင် ထောင်းပါ။ ကြာဇံကို ရေစိမ်ပါ။ ကြာဇံဖတ်ရေထဲမှာ ပျော်ပြီးဆိုရင် အနေတော်အရွယ် ကတ်ကြေးဖြင့် ဖြတ်ပါ။ မှိုခြောက်၊ ပန်းခြောက်များကို လည်း ရေစိမ်ထားပါ။ ၄င်းကိုလည်း အနေတော်အရွယ် ကတ်ကြေးဖြင့် ဖြတ်ပါ။ ငုံးဥကိုလည်း ပြုတ်ထားပါ။ ဆီ ထည့်၊ ဆီကျက်လာလျင် ထောင်းထားသော အရာများကိုထည့်ပြီး ဆီသတ်ပါ။ အနံမွေးလာပြီဆိုလျင် ပြုတ်ထား ပြီးသော ကြက်သားများကိုထည့်ပါ။ ကြက်ပြုတ်ရည်ထည့်ပါ ရေနွေးဆူဆူထည့်ပါ။ ကြာဇံဖတ်ထည့်ပါ။ မှို ခြောက်၊ ပန်းခြောက်များထည့်ပါ။ ကြက်သွန်နီဥ သေးသေးလေးများ ထည့်ပါ။ ငံပြာရည်ထည့်ပါ၊ ငရုတ်ကောင်းမှုန့် အနည်း ငယ်ထည့်ပါ။ ကြာဇံချက် ကျက်ပြီးဆိုလျင် သံပုရာသီး ကြက်သွန်နီစိမ်းပါးပါးလှီးထားသော၊ နံနံပင်၊ ငရုတ်သီးမှုန့် တို့ဖြင့်ထည့်ပြီး သုံးဆောင် နိုင်ပါပြီ။

ကြာဇံချက်ရဲ့အဓိကသော့ချက်မှာ - ငံပြာရည်ဖြစ်ပါတယ်။

ခေါက်ဆွဲသုတ်

ကြက်သွန်နီ ပါးပါးလှီးပြီး ဆီချက် အရင်ချက်ပါ။ ခေါက်ဆွဲသုတ် ထဲကို Mandalay ပဲမှုန့်၊ ငံပြာရည်၊ အချိုမှုန့်၊ မန်ကျည်းမှည့်၊ အချိုမှုန့်၊ ဆီချက်၊ ဂေါ်ဖီပါးပါးလှီး (ဂေါ်ဖီမရှိလို့မထည့်လိုက်ရပါ)နံနံပင်တို့နှင့် ရောနှယ်ပါ။ စားခါနီးကျမှ ကြက်သွန်နီကြော်လေး အနည်းငယ်လှအောင် အုပ်လိုက်ပါ။