ကြက်ဥဟင်း ဆီပြန် ရေကျန်

ပြင်ဆင်ထားရမှာက -

ကြက်ဥ - ၅လုံး

ကြက်သွန်နီ - ၁လုံး

ကြက်သွန်ဖြူ - ၂မွှာ

ဂျင်း - လက်၁ဆစ်

ကုလားလေး မဆလာ - လက်ဘက်ရည်ဇွန်း ၁ဇွန်း

ဂေါ်ရံကြီး မဆလာ - အနည်းငယ်

အရောင်တင် မဆလာ - အနည်းငယ်

အနံချွတ် မဆလာ - အနည်းငယ်

ခရမ်းချဉ်သီး အလတ် - ၁လုံး

ဆီ - ဟင်းခတ်ဇွန်း ၄ဇွန်းခွဲ (ဟင်းခတ်ရင် ယူသုံးလေ့ရှိတဲ့ဇွန်းမျိုး)

ဆား - အနည်းငယ်

အချိုမှုန့် - အနည်းငယ်

မန်ကျည်းမှည့် - အနည်းငယ်

အရောင်တင်မှုန့် - အနည်းငယ်

ကြက်ဥ ၅လုံးကို ပြုတ် အခွံခွာပြီး ထက်ခြမ်းခြမ်းထားပါတယ်။ ကြက်သွန်နီ ၁လုံးကို ပါးပါးလှီး၊ ကြက်သွန် ဖြူ နှင့်ဂျင်းကို ညက်ညက်ထောင်းပါ။  ခရမ်းချဉ်သီး ပါးပါးလှီးထားပါ။။ ဆီထည့်ပြီး ဆီကျက်ပြီဆိုရင် ကြက်သွန် နီ ပါးပါးလှီးထားတာ ထည့်ပါ။ ကြက်သွန်နီ နွမ်းမှ ဂျင်း ကြက်သွန်ဖြူထောင်းထားတာထည့် ပါ။ နွမ်း ရင် အရောင်တင်မှုန့် အနည်းငယ်ထည့် ပါ။ ခရမ်းချဉ်သီး ပါးပါးလှီးထားတာ ထည့်ပါ။ ခရမ်းချဉ်သီး နွမ်းပြီ ဆီပြန်လာပြီဆိုရင် ကြက်ဥ ထက်ခြမ်းခြမ်းထားတာ ထည့်ပါ။ မန်ကျည်းမှည့်ကို ရေနွေးဖျောပြီးထည့်ပါ။ ဆား၊ အချိုမှုန့်၊ မဆလာ၎မျိုးထည့်ပါ။ (မဆလာ အမည်များကို နောက်မှပြောပြပါမယ်)။ ဆီပြန်လာပြီဆို ရင် ရေနွေး ကို ကိုယ်ကြိုက်ရာအနေအထားထည့်ပြီး ပွက်ပွက်ဆူလာရင် ချလို့ပါပြီ။

မွေးနေ့လက်ဆောင်

ကျွန်မမွေးနေ့လက်ဆောင်အဖြစ် ကျွန်မ ခင်ပွန်းဆီက ဒီပန်းစည်းလေးပေးပါတယ်။ တန်ဖိုးမရှိပေမယ့် ဒီပန်းစည်းထဲမှာ အဓိပ္မာယ်ပေါင်းများစွာ ပါဝင်ပါတယ်။ Romantics ဆန်ဆန်လေးဆို ကျွန်မက အရမ်း ကြိုက်တယ်။ ၁ခါထဲမေ့လို့မရအောင်စွဲသွားတာမျိုး။ နှလုံးသားထဲမှာ အမြဲအမှတ်တရဖြစ်နေမှာပါ။ ကျွန်မ ကိုမေးစဉ်က နှင်းဆီပန်းအနီက အချစ်ကို ကိုယ်စားပြုတာဆိုတော့ ဒီပန်းစည်းလေးက အချစ်တွေ အမုန်းတွေ မပါပါဘူးတဲ့။ အရင် စဉ်းစားကြည့်ကြပါလား။ ပြီးမှအဖြေကိုဖတ်နော်။

သူရေးပေးထားတဲ့ အတိုင်းပြန်ရေးပေးလိုက်တယ်နော် .....

ဒီပန်းစည်းလေးက ကိုတို့ရဲ့ မိသားစုဘ၀ကိုကိုယ်စားပြုတာ။ ပန်းစည်းထဲမှာပါတဲ့ ပန်း၃ပွင့်က ကိုရယ်၊ မွန်မွန်ရယ်၊ သားသားရယ်ပေါ့။ ကျန်တဲ့ အလှဆင်ထားတဲ့ ပန်းတွေ အခက်တွေက ကိုယ်တို့ရဲ့ နှစ်ဖက် မိဘသားချင်း၊ ဆွေမျိုး၊ သူငယ်ချင်းတွေကို ကိုယ်စားပြုတာ။ ပန်းစည်းလေးကို ကာထားတဲ့ အစိမ်းနုရောင် စက်ကူလို အရာလေးကကျတော့ စည်း သို့မဟုတ် ကျင့်ဝတ်ကို ကိုယ်စားပြုတာ။  ပန်းစည်းကို ကျစ်လစ် သပ်ရပ်အောင်စည်းထားတဲ့ အဖြူရောင် ဖဲပြားလေးကတော့ ကိုယ်ကျင့်တရားကို ကိုယ်စားပြုတာ။

ဒီပန်းလေး ၃ပွင့် ရှိရုံနဲ့ လှပတဲ့ ပန်းစည်း၁ခုဖြစ်မလာနိုင်ပါဘူး။ လှပတဲ့ ပန်းစည်းလေးဖြစ်ဖို့ဆိုရင် အခြား ပန်းပွင့်လေးတွေ၊ အခက်လေးတွေ၊ အရွက်လေးတွေနဲ့ ပြည့်စုံနေမှ၊ ပြီးတော့ အပြင်က စက်ကူဖတ်လေးက လည်း ၀န်းရံထားဦးမှ ဖဲကြိုးလေး မပါရင် ပန်းစည်းက လျော့တိလျော့ရဲနဲ့ မလှမပ မသပ်မရပ် ဖြစ်နိုင်ပါတယ်။ အဲ့ဒီလိုပဲ လူ၃ယောက် (ကိုယ်တို့ မိသားစုဝင် ၃ယောက်) ရှိရုံနဲ့ ပြီးပြည့်စုံ လှပတဲ့ မိသားစုဘ၀ဖြစ်ပြီးလို့ တထစ်ချမပြောနိုင်ပါဘူး။ 'ကိုင်းကျွန်းမှီ၊ ကျွန်းကိုင်းမှီ' ဆိုတဲ့စကားလို ၁ဦးကို၁ဦး အပြန်အလှန် ခံစားနား လည်ပေး၊ ကူညီပေး၊ ၁ဦးရဲ့ လိုအပ်ချိန်တိုင်းမှာ နောက် ၁ဦးက အဆင်သင့်ရှိနေသလိုမျိုး ဆွေမျိုးသားချင်း၊ သူငယ်ချင်းများလည်းရှိမှ မိသားစုဘ၀ကပိုပြည့်စုံတာ၊ နောက်ဒီမိသားစုလေး လိုအပ်ချိန်တိုင်း ကိုယ် စိတ်နှလုံး ၃ပါးစလုံးနဲ့ စောင့်ရှောက်ပေးနေတဲ့ နှစ်ဖက်မိဘ၊ ဘကြီး၊ ဦးလေး၊ အဒေါ် တွေရှိနေခြင်းက လည်း ကိုယ်တို့ မိသားစုလေးကို ပိုပြည့်စုံစေပါတယ်။

ကိုတို့မှာတော့ လိုအပ်တိုင်းကူညီဖို့ အသင့်ရှိတဲ့  နှစ်ဖက်မိဘ၊ ဘကြီး၊ ဦး၊ ဒေါ် ညီအစ်ကို မောင်နှမ ဆွေမျိုး သားချင်းနှင့် သူငယ်ချင်းတွေအားလုံးကို ရယူပိုင်ဆိုင်ထားတဲ့ အတွက်ကြောင့် ဒီပန်းစည်းလေးထဲမှာ အခြား ပန်းအရွက်လေးတွေ အနေနဲ့ ကိုယ်စားပြုပြီးထည့်ထားတာ။

အဲဒီလိုပဲ မြန်မာဓလေ့ထုံးစံအရ ယောင်္ကျားကျင့်ဝတ်၊ မိန်းမကျင့်ဝတ်၊ မိဘ၀တ်၊ သား၊ သမီးဝတ် အစရှိသဖြင့် လူကျင့်ဝတ်လေးတွေကြောင့် မြန်မာလူမျိုးတို့ရဲ့ မိသားစုဘ၀ဆိုတာ နွေးထွေးမှု၊ စည်းလုံးမှု၊ စာနာနားလည် မှုတွေနဲ့ ပြည့်စုံနေတာပါ။ အဲဒါတွေမရှိရင်ပြီးပြည့်စုံတဲ့  မိသားစုဘ၀လို့ ခေါ်လို့မရနိုင်သေးဘူး။ ဒါကြောင့် ပန်းပွင့် အခက်အားလုံးကို ကာထားတဲ့ စက်ကူဖျော့ဖတ်လေးကတော့ ကိုယ်တို့ရဲ့ မြန်မာလူနေမှုထုံးစံအရ 'ကျင့်ဝတ်' ကိုကိုယ်စားပြုတာ။ အဲဒီကျင့်ဝတ်တွေကိုလိုက်နာဖို့ ကိုယ်ကျင့်တရားက အရေးကြီးသွားပြီ။ ဒါကြောင့် ပန်းစည်းလေး သပ်ရပ်လှပဖို့ အတွက် ချည်နှောင်ထားတဲ့ ဖဲပြားလေးက အရေးကြီးသလို ကိုယ်တို့ရဲ့ မိသားစုဘ၀လေးပြည့်စုံလှပဖို့ အတွက် လည်းကိုယ်ကျင့်တရားက အရေးအကြီးဆုံးပဲ။

အချုပ်အနေနဲ့ပြောရရင် ဒီပန်းစည်းလေး နောက်ဆုံးကြွေနွမ်းပျက်စီးသည်အထိ သပ်ရပ်လှပဖို့ လိုအပ်သလို ကိုယ်တို့ရဲ့ မိသားစုလေးလည်း နောက်ဆုံးထွက်သက်အထိ ရိုသေလေးစားရသော မိဘဆွေမျိုးသားချင်းများ၊ ချစ်ခင်ရပါသော မိတ်ဆွေ အပေါင်းအသင်း သူငယ်ချင်းများနဲ့ မြန်မာဓလေ့လူကျင့်ဝတ်တွေကိုလိုက်နာပြီး ကိုယ်ကျင့်တရားကောင်းမွန်အောင် ထိန်းသိမ်းစောင့်ရှောက်ပြီး ပြီးပြည့်စုံတဲ့ မိသားစုဘ၀လေးအဖြစ် ကြိုးစား ကြရအောင် .....

Blog လာလည်သူအားလုံး ကျန်းမာရွှင်လန်းပါစေရှင် .....

Happy Birthday & Happy Sweet December

ဒီနေ့ Sweet December ကျွန်မ မွေးနေ့ပါ။ မွေးနေ့အထိမ်းအမှတ်အနေနဲ့ ပြီးခဲ့တဲ့စနေနေ့က Marche' Restaurant မှာ သွားစားဖြစ်တယ်။ အမှန်က ကျွန်မ မွေးနေ့ရောက်မှ သွားစားချင်တာပါ။ မအားတာနဲ့ပဲ အားတဲ့နေ့ကို ရွေးလိုက်တာ။

... စားသောပန်းကန်

ကျွန်မစားသောပန်းကန်

မွေးနေ့မှာ ခွင့်ယူပစ် လိုက်တယ်။ ကျွန်မရဲ့ စိတ်ကို အေးချမ်းစွာနဲ့ နေချင်လို့။ ကျန်တဲ့အချိန်က အရေး မကြီးဘူး။ ကျွန်မရဲ့ အယူကမွေးနေ့မှာ စိတ်ချမ်းသာရင် နောက်နှစ်မွေးနေ့အထိ စိတ်ချမ်းသာချင်လို့ပါ။ ကျွန်မမွေးနေ့ အတွက် ကျွန်မရဲ့ Customers တွေကို ရုံးနဲ့နီးတဲ့ Boon Tone Kee Restaurant မှာကျွေးဖြစ်တယ်။ အဲဒီ့ဆိုင်က Chicken Rice ကောင်းတယ်ဆိုပြီး Singapore မှာ နာမည်ကြီးတယ်။ Main ကကျွန်မနဲ့ လုပ်ဖော် ကိုင်ဖက်တွေတောင် အခုထိမကျွေးရသေးဘူး။ Main သွားဖြစ်တယ် ဆိုရင် ကျွေးဖို့ အစီအစဉ် ရှိပါတယ်။

ဘာသာရေးအတွက်ကတော့ မွေးနေ့ကစပြီး သရဏဂုံကို စပြီးကျင့်တော့မယ်လို့ ရည်မှန်းထားတယ်။ အရင် ကလည်းရေးဖူးပါတယ်။ ဒီမှာပါ။

ဒီ၁ခေါက် မွေးနေ့ အထိမ်းအမှတ် လက်ဆောင် အဖြစ် သူ့ဆီက ကတိ ၁ခုပဲတောင်းတယ်။ ကျွန်မရဲ့ အဖေက Lancome Cosmetics ၀ယ်ပေးတယ်။ ဒီ၁ခါ ကျွန်မရဲ့ အချစ်ဆုံးသူငယ်ချင်းက ကျွန်မကို Coach Hand Bag ၁လုံး လက်ဆောင်ပေးတယ်။ ကျေးဇူးတင်ပါတယ် ... အချစ်ဆုံးသူငယ်ချင်းလေးရေ

Sweet December မှာ Blog လာလည်သူအားလုံး ကျန်းမာရွှင်လန်းပါစေရှင် .....

From Yangon to Singapore

ကျွန်မရဲ့ Blog လေးကို ပစ်ထားတာ လနဲ့ချီနေပါပြီ။ ရေးစရာအကြောင်းအရာများလည်းရှိပါတယ်။ အလုပ် မအားတာက၁ကြောင်း၊အလုပ်ဒဏ်ပိနေတာက ၁ကြောင်း အကြောင်းကြောင်းသော အကြောင်း တွေကြောင့် မရေးဖြစ်တာပါ။

Yangon ကနေ Singapore ကိုလာလည်တဲ့သူတိုင်း အိမ်က ကျွန်မစားချင်သော အစားအစာများထည့်ပေးတတ် ပါတယ်။ အမျိုးအရင်းတွေဆိုရင် အသားတွေကို ရေခဲရိုက်ပြီးယူလာပါတယ်။ ကျွန်မအဖေလာတယ်ဆိုရင် သားစိမ်းငါးစိမ်းတွေအပြင် ဒီ၁ခေါက်က မနက်လေယာဉ်စီးလာရလို့ Mandalay နန်းကြီးမုန့်တီ၊ Mandalay မြီးရှည် ယူလာပါတယ်။ ညနေလေယာဉ်ဆိုရင်တော့ YKKO က ကြေးအိုးဆီချက်သယ်လာပါတယ်။

ကျွန်မအကြိုက်ဆုံး မပါမဖြစ်ယူလာရတာကတော့ ငါးရံအူ၊ ငါးသလောက်ဥ၊ ပုဇွန်ထုတ်၊ ငါးပုဏား၊ ငါးဖယ်တွေပါ ပဲ။ နောက် ငါးကြင်းပါယူလာပါတယ်။ ကျွန်မက ဒီက ပုဇွန်တွေကိုမစားပါဘူး။ ရန်ကုန်က ပုဇွန်လောက်အရသာ မရှိဘူးလို့ ခံစားရတယ်။ ကျွန်မ မမှာလဲ အဖေကသူ့ဟာသူ ထပ်သယ် လာသေး တာတွေရှိသေးတယ်။ အဖေ့ကို မနည်း ဘရိတ်အုပ်ထားရတယ်။ ကျွန်မက ဒီမှာဝယ် လို့မရတဲ့ အရာတွေ စားရရင် ပြီး တာပါပဲ။ 

အဖေယူလာတွေ

ဒီ၁ခါ ဆောင်းဦးစမို့လို့ Mandalay က သဲပုရစ်တွေအပိုပါလာပါတယ်။ အမတွေပါ။ အမတွေက ဥတွေနဲ့ပိုပြီး စားကောင်းပါတယ်။ ဦးလေးက Mandalay မှာနေလို့ နှစ်စဉ်နှစ်တိုင်း အမျိုးတွေစားဖို့ မိသားစုပုံးကြီးနဲ့ အပြည့်ပို့နေကြ။ ကျွန်မအတွက်ဝေစုက အကောင် ၁၂၀။ စားလိုက်ရင်မွှေးပြီးစိမ့်နေတာပါပဲ။ အဒေါ်တွေက ပုရစ်တွေကို ကောင်းကောင်းကြော်တတ်တယ်။ ဂျင်း ကြက်သွန်ဖြူ အနံမွေးမွေးလေးနဲ့ တအားစားကောင်းပါ တယ်။ အဖေနောက် ၁ခေါက်ထပ်လူကြုံရှိရင် ထည့်ပေးဦးနော်ဆိုတော့ တော်လောက်ပြီတဲ့။ ပုရစ်က စားကောင်းပေမယ့် သွေးတက်ပါတယ်။ ကျွန်မက အဖေရှေ့မှာ ၁၀ကောင်လောက် ပန်းကန်ထဲထည့်ပြီး စားတတ်ပေမယ့် အဖေလစ်ရင် Fridge ဖွင့်ပြီး ၃ကောင်လောက်နှိုက်စားလိုက်နဲ့ ပုရစ်အကောင် ၁၂၀ က ၄ရက်ထဲနဲ့ပြုတ်ကော။

အဖေကို ဒီ၁ခေါက် စားသောက်ဆိုင်ကောင်းကောင်းလေးတွေခေါ်ပြီးကျွေးဖြစ်တယ်။ Jumbo Seafood, East Coast သွားပြီးစားကြသေးတယ်။ ဆိုင်ကို ၅နာရီခွဲလောက်ရောက်တယ်လေ။ အဲဒီအချိန် အကောင်းဆုံးပဲ။ လူလဲသိပ်မများသေးဘူး။ Jumbo မှာ မမှာမဖြစ်တာကတော့ Chilli Crab ပဲလေ။ Cereal Prawn ကလဲချိုပြီး စားကောင်းတယ်။ အဲဒီအထဲမှာပါတဲ့ ပျဉ်တော်သိမ်ရွက်က မွေးပြီးစားလို့ကောင်းတယ်။ Seafood Fried Rice လဲအတော်လေးစားကောင်းတယ်။ နောက်ပြီး ဒီက Singaporean တွေနဲ့ သွားစားရင် မမှာမဖြစ်မှာစားကြတာ အဲဒီအရွက်ပဲလေ။ ဘယ်လိုခေါ်လဲတော့ မသိဘူး။

Jumbo မှာ မှာစားဖြစ်ခဲ့တာတွေ

Marche' Restaurant, Vivo City မှာလည်းသွားစားဖြစ်တယ်။ အဖေအကြိုက်ပေါ့။ အစားငမ်းနေတာနဲ့ ဓာတ်ပုံ ရိုက်ဖို့မေ့သွားတယ်။ ဆိုင်အပြင်အဆင်လေးကိုကြိုက်တယ်။ အဲဒီနေ့က အဖေမှာစားတာ အကောင်းဆုံးပဲ။ အဖေက ကောင်းကောင်းမှာစားတတ်တယ်။ အဲဒီဆိုင်က ၁ယောက် ၁ Card ပေးပြီး ကိုယ်စားချင်တာ မှန် သမျှ အဲဒီ Card ထဲရောက်တာ။ ပြီးမှ Card အားလုံးပေါင်းရှင်းတာ။ ကျွန်မတို့ သိပ်ပြီးမှာမစားတတ်တော့ စား လို့ သိပ်မကောင်းဘူး။ နောက် ၁ကြိမ် ကျွန်မမွေးနေ့မှာ သွားစားဦးမယ်လို့ စိတ်ထဲကနေ ကြုံးဝါးထား တယ်။  Golden Miles က ယိုးဒယား ဆိုင်မှာ သွားစား ဖြစ်ကြတယ်။ အဲဒီဆိုင်မှာ စားရင် အရမ်းစားကောင်းတယ်။ ကျွန်မတို့ရဲ့ ၃နှစ်ပြည့် မင်္ဂလာ နှစ်ပတ် လည် အနေနဲ့သွားစားဖြစ်တာ။ အဖေ နောက် ၁ကြိမ်လာရင် ဒီဆိုင်တွေအပြင်နောက် ဆိုင်တွေမှာ  ထပ်စား ဦးမယ်။

Weekend ဆို အပြင်ထွက်စားဖြစ်တယ်။ အဖေက သူယူလာတွေ မစားချင်ဘူး။ ကျွန်မတို့ အတွက်ကတော့ မစားရတာကြာလို့ စားကောင်းပေမယ့် အဖေ့ အတွက်က စားနေကြဆိုတော့ ရိုးနေပြီလေ။ အဖေက ၄ရက် ထမင်း ဟင်းချက်ကျွေးသေးတယ်။ အဲဒီချက်ကျွေးတဲ့နေ့တွေက ကျွန်မရုံးမှာ ပင်ပန်းနေမှန်း သိလို့ အဖေချက် ကျွေးခဲ့တာ။ အဖေချက်တာ ပုံစံ မတူတော့ စားကောင်းတယ်။

Birthday Present from My Daddy

1st December က ကျွန်မ မွေးနေ့လေ။ အဲဒီအတွက် အဖေက Birthday Present ဆိုပြီး Lancome ၀ယ်ပေးခဲ့ တယ်။ ကျွန်မ Crazy အဖြစ်ဆုံးက Cosmetics မှာ ဆိုရင် Lancome, ဖိနပ်၊ အိတ်၊ ကုန်ပြီနဲ့တူတယ်နော် ဟီးးးးး ဟီးးးးးးး။ ကျန်တာ ဒီလောက် Crazy မဖြစ်ဘူး။ နောက်မှ ကျွန်မ အကြိုက်များဆိုပြီး ခေါင်းစဉ်တပ်ပြီး ရေး ဦးမယ်။

Blog လာလည်သူအားလုံး ကျန်းမာရွှင်လန်းပါစေရှင် .....

၁၈လပြည့် သားသား

၁၈လပြည့် သားသား

သားသားရဲ့ အကြောင်း ရေးမယ်နဲ့ချိန်နေတာ အတော်ကြာသွားပြီ။ အလုပ်များနေတာလဲပါပါတယ်။ သားသားက အခုဆို ၁၈ လပြည့်ပြီ။ ၁နှစ်ခွဲပြီပေါ့။ စကားကတော့ သိပ်မပြောသေးဘူး။ ကျွန်မက ၃နှစ်မှ စကားစပြောတာ ဆိုတော့ သားသားလည်း စကားပြောနောက်ကျမလား မသိဘူး။

Sky Park နှင့် သားသား

သားသားက ၁၁လကတည်းက လမ်းကောင်းကောင်းလျှောက်တတ်တာ။ တာတာ၊ ဘွား၊ နည်းနည်း၊ ဘိုင်၊ ဂျာ။ အဲဒါတွေပဲပြောတတ်သေးတယ်။ Mickey ရေခေါ်လိုက်ရင် ဂျာတဲ့ ပြန်ထူး တယ်။ သားသားက သူ့စိတ်ကလေး လိုမှ လုပ်တာ။ စိတ်မကြည်ဘူးဆိုရင် ဘာမှမလုပ်တော့ဘူး။ အပြင်သွား မယ်ဆိုရင် တာတာတဲ့။ ၁ခါ၁လေ Bye တဲ့။ Fly Kiss ပေး တယ်။ အိမ်မှာသားသားထိန်း တဲ့ ကောင်မလေး ကျန်ခဲ့ရင် ကရော် ကရော်တဲ့။ ကရော် ကရော်က လက်၅ချောင်း လုံးထောင်ပြီးလုပ်တာ။ ချိုမိုင်မိုင်လုပ်သ လိုပဲ။ ဖေမေက အာဘွား လာပေးပါဆိုရင် ပါးလေးကိုနမ်းပြီးရင် ဘွားတဲ့။ shake hands ပြော လိုက်ရင် သူ့လက် ၁ဖက်လာပြီး လုပ်တတ် တယ်။ သားသားက အစအနောက်လဲ ၀ါသနာပါတယ်။ ကျွန်မ Computer သုံးနေရင် အနောက်ကနေလာပြီး ၁ခုခု လာလုပ်တတ်တယ်။ အကျီစလေးလာဆွဲလိုက်တာ၊ အကျီကိုလန်ပစ်လိုက်တာ။ အဲဒီလိုလေး မထိတထိ စတတ် တယ်။ နောက်လှည့်ကြည့်လိုက်ရင် ပြုံးဖြဲဖြဲနဲ့။

၁၇လ ပြည့် သားသား

သားသားကို ၁နေ့ ၃ကြိမ်ကျွေးတယ်။ မနက်ဆိုရင် Biscuit ကိုနို့နဲ့ခြေပြီး ကျွေးတယ်။ ၁၈လ မရောက်ခင်အထိက ဆန်ပြုတ်လိုမျိုးပြုတ်ကျွေးတယ်။ ကြက်သား၊ ၀က်သား၊ ပုဇွန်၊ Broccoli၊ မုန်လာဥနီ၊ အာလူး၊ ကြက်ဥ ကျွေးတယ်။ အရင်က Blander နဲ့ကြိတ်ကျွေးရတယ်။ အခု ၁၈လ ကစပြီး ကြိတ်မကျွေးတော့ဘူး။ ၀ါးစားတတ်အောင် ကျင့်ပေးနေတယ်။ သားသား သွားတွေလဲ ပေါက်နေပြီ။ ၁၆ချောင်းရှိတယ်။ ကျွေးလိုက်ရင် မျိုချပစ်လိုက်တာ များနေတယ်။ သားသားက အိမ်စား ကြိုက်တယ်။ အပြင်သွားမယ်ဆိုရင် သားသားကိုအရင် ထမင်းကျွေး ထားရတယ်။ အပြင်ရောက်ရင် သိပ်မစားတော့ဘူး။ သားသားအပြင်မှာ စားတာဆိုလို့ KFC က အားလူးပဲရှိတယ်။ အခု ချိုလိမ် ပြတ်သွားပြီ။ နို့လဲသိပ်မစို့တော့ဘူး။ ညဆိုရင် Jelly or Chocolate ကျွေးတယ်။ ထမင်းလဲ အများကြီး စားတယ်။ ထမင်းစားရင် ၀ိုင်းစုခိုင်သိန်း သီချင်း VCD ဖွင့်ပေးရတယ်။ Music သံ ခပ်မြူးမြူးကြားရင် ထပြီး ကတော့တာပဲ။ သေချာကြည့်ပြီးလိုက်လုပ်တာ။ သားသား အကကို ၁ခါ၁လေမှ ကြည့်မိတယ်သူဆိုရင် မှတ်မိမှာမဟုတ်ဘူး။ ကကွက်ကလေးတွေပြောင်းသွားတာ။ မနက်မိုးလင်းလို့နိူးလာပြီဆိုတာနဲ့ Cartoon ကားကြည့်ပြီး မနက်စာ စားတာ။ ၁ခါ အလုပ် သွားခါနီး Okto Channel ကနေ ကလေးကာတွန်းကားထဲမှာ ကား ၆စီးလောက်တွေ့တာ သားသားက ရုတ်တရက်ထ လက်ညိုးထိုးပြီး ကား ကား ဆိုပြီးအော်တော့တာ။ သားသားက သနပ်ခါးအရမ်းကြိုက်တယ်။ သနပ်ခါးလိမ်းချင်ရင် ဗူးယူလာပြီး ပေးတယ်။

Universal Studio တွင်

သားသားက အခုဆိုပူဆာတတ်စ ပြုလာပီ။ အအေးထည့်ထားတဲ့စက်နားဖြတ်သွားလို့ကတော့ လက်ညိုးထိုးပြီး ပူဆာတော့တာ။ ၁ခါ၁လေ အကြွေစေ့မရှိရင် စိတ်ညစ်ရရော။ ဇွဲကလည်းကောင်းတယ်။ မရမချင်း ငိုပြီးတောင်း တာ။ အတင်းပြန်ခေါ်လာရတယ်။ အအေးအရမ်းကြိုက်တယ်။ Jelly လဲစားတတ်လာပီ။ Jel Jel စားမယ်ဆိုရင် Fridge နားကိုပြေးလာတယ်။ ကျွန်မက Jelly ကို Fridge ထဲထည့်ထားတတ်တာ သားသားက သိနေတယ်လေ။ ကွာစေ့လည်းကြိုက်တယ်။ ကွာစေ့ယူလာပြီဆိုရင် စစားပြီဆိုရင်အစေ့ ၂၀လောက် ကို အနားကနေ မခွာတော့ဘူး စားတော့တာပဲ။ ကျွန်မကခွာပြီး ၀ါးကျွေးတယ်။ ဒီအတိုင်းတော့ မကျွေး ဘူး။ ဖေမေရုံးက ပြန်လာပြီဆိုရင် တအားပျော်တာ။ ခုန်ပေါက်နေတော့တာ။ ၁ခါ၁လေ အဲဒီလိုမျိုးဆိုရင် စိတ်တောင် မကောင်း ဘူး။ သားသားကို ၁နှစ် အထိ တောက်လျောက် ကိုယ်နဲ့နေခဲ့ရတော့ သနားတယ်။ ကျွန်မမှာမလွှဲသာလို့သာ လုပ်နေရတာ။

Sentosa မှာ

သားသားက စကားသာမပြောတာ။ အကုန်နားလည်နေပြီ။ မျက်နှာ အရိပ်အကဲလည်းကောင်းကောင်း ကြည့် တတ်တယ်။ အမေက မျက်နှာထားလေးနဲ့ကြည့်လိုက်တာနဲ့ အောက်နှုတ်ခမ်းချပြီး စိတ်ကောက်တော့တာပဲ။ ၁ခါ၁လေခေါင်းတောင်ငုံလိုက်သေးတယ်။ ရိုက်လိုက်လို့ရှိရင် အမေရိုက်ရင် အဖေဆီပြေးတယ်။ အဖေရိုက်ရင် အမေဆီပြေးတယ်။ သားသားက ငိုပြီးဆိုရင် မေ လို့အသံရှည်ကြီးဆွဲခေါ်တယ်။ ၁ခါ၁လေ သားသား ဒါမလုပ်ရ ဘူးနော် ... ဟွန်း ပြောလိုက်တာနဲ့ ခေါင်းကြီးငုံပြီး စိတ်ကောက်တော့တာ။ အခုအချိန်မှာ သားသား စိတ်အ၀င်စား ဆုံး အရာ က တန်းတွေ့ပြီဆိုတာနဲ့ ခိုတော့တာပဲ။ အိမ်အောက်ဆင်းပြီး ဆိုရင် Lift ထဲမှာရှိတဲ့ တန်းက သူမှီတော့ ခိုပြီးဆင်းလာတာ။ အိမ်ရှေ့တံခါးကိုလည်းတွဲတက်တာပဲ။ ယောင်္ကျားလေးမွေးထားတော့ လဲမျောက်လောင်းလေး ၁ယောက် ရထားသလိုပါပဲ။

Singapore Zoo တွင်

သားသားကို မြန်မြန်စကားပြောအောင် ကြက်ဆီဗူးဝယ်ကျွေးမယ်။ Sheng Siong ရတယ်။ မနေ့က သွားဝယ် တာမရှိဘူး။ ကုန်နေလို့မရခဲ့ဘူး။ စကားပြောတတ်လာအောင် နောက်၁နည်း ဘယ်လိုလုပ်ရမလဲ။ သားသားကို NTUC Child Care မှာ ၁၈လပြည့်ရင်ထားမလို့ ၁၁လကတည်းက ကြိုစာရင်းသွင်းထားတာတောင် Waiting List ဖြစ်နေသေး တယ်။ ဒီမှာ ကလေးကျောင်းထားရတာ မလွယ်ဘူး။ ၁နှစ်ကြိုပြီး စာရင်းလုပ်ထား တာတောင် Waiting List တဲ့။ ကျောင်းထားလိုက်ရင် ကလေးတွေနဲ့နေပါများတော့ ပြောတတ်လာမယ်ထင်တယ်။ သား သား အောက်မှ ညနေ ဆင်းဆော့ရင် သားသားထက် ၂နှစ်လောက်ကြီးတဲ့ကောင်မလေးက သင်ပေးတာ ချက် ချင်းတတ်တယ်။ လက်ညိုး ၁ချောင်းထောင်ပြီး ရှူးတိုးတိုး ဆိုပြီး ချက်ချင်းလိုက်လုပ်တာ။

ပဲများနေတာ

သားသားက IPhone IPad ကိုပိတ်ထားရင် ဘယ်လိုဖွင့်ရမလဲဆိုတာ ကောင်းကောင်းသိတယ်။ ဖုံးလာပြီဆိုရင် သူကလည်း နည်းနည်းပါးပါးပြောလိုက်ရမှ။ မိဘဆိုတော့လည်း သားသမီးအကြောင်းပြောရရင် မမောနိုင်မ ပန်းနိုင်ပါပဲ။ ၁ခါ၁လေ သားသား စိတ်လိုလက်ရရှိရင် ဖုံးပြောနေတာ အကြာကြီးပဲ။ ဖုံးကိုင်လိုက်ရင်ခလုတ်နှိပ် ပြီးမှပြောရတယ် ဆိုတာလဲ သိတယ်။ ရေထဲမှာဆော့နေရင် တအားပျော်၊ ခေါ်လို့တောင် မရဘူး။ မနည်းခေါ်ယူရ တယ်။ သားသားကို အရုပ်ဝယ်ပေးရင် သူ့လက်ထဲ ထည့်ပေးလိုက်ရင် ပြန်ကို မပေးတော့ဘူး။ ကိုင်ထားတော့တာ။ အဲဒီတော့ ၀ယ်ပေးလိုက် ရတယ်။ ဈေးသွားရင်လဲ ဈေးရောက်ပြီဆိုတာနဲ့ သူ့ကတောင်းတော့တာ။ ၁ခုခု ပေးထားရတယ်။ ငယ်ငယ်တုန်း က ဘယ်သူ ချီချီလိုက်တယ်။ အခု မလိုက်တော့ဘူး။ သားသားကိုချီ မယ်ဆိုရင် သူ့နှုတ်ခမ်းကို ထော်ပစ်လိုက်တယ်။ အိမ်မှာဧည့်သည်လာရင် စစ ချင်းတော့ နည်းနည်းစိမ်းနေသေးတယ်။ နောက်တော့ အဲဒီအနားက မခွာတော့ဘူး။ ပြန်သွားရင် သူပါ အောက်လိုက်ချင်နေတာ့တာ။ နောက်များမှပဲ ဆက်ရေးတော့မယ် ပရိတ်သတ်ကြီးရေ ... သားသား အကြောင်းကတော့ ဒီလောက်နဲ့ပဲကျေနပ်ပါလို့။

ဝက်သားလုံး ချိုချဉ်ကြော်

ဝက်သားလုံး ချိုချဉ်ကြော်အတွက်ပြင်ဆင်ထားရမှာက
ဝက်သားကြိတ်သား ၁ထုတ်
ပန်းဂေါ်ဖီ ၁/၄ ပုံ
ခရမ်းချဉ်သီး ၁လုံး
မုန်လာဥနီ ၁လုံး
Broccoli ၁/၄ပုံ (or) ဗိုလ်စားပဲသီး ၁၀ တောင့်
ကြက်သွန်ဖြူ ၄ မွှာ
ဂျင်း လက် ၃ ဆစ်
ပဲငံပြာရည် အနောက် ဟင်းခတ်ဇွန်း ၁ ဇွန်း
ပဲငံပြာရည် အကြည် ဟင်းခတ်ဇွန်း ၁ ဇွန်း
တရုတ်မဆလာ လက်ဘက်ရည်ဇွန်း ၂ ဇွန်း
သကြား လက်ဘက်ရည်ဇွန်း ၁ ဇွန်း
ဆား လက်ဘက်ရည်ဇွန်း ၁ ဇွန်းခွဲ
အချိုမှုန့် အနည်းငယ်
တရုတ်နံနံ ၅ပင်
Sweet and Sour Sauce ၁ထုတ်
ပြောင်းဖူးမှုန့် ဟင်းခတ်ဇွန်း ၁ ဇွန်း တို့ပါဝင်ပါတယ်။

ဇလုံ၁ခုမှာ ၀က်သားကြိတ်သား၊ (ကြက်သွန်ဖြူ ၂မွှာနှင့် ဂျင်း လက် ၂ဆစ် ထောင်းထား ပြီးသား)၊ ပဲငံပြာရည် အနောက် ဟင်းခတ်ဇွန်း ၁ ဇွန်း၊ ပဲငံပြာရည် အကြည် ဟင်းခတ်ဇွန်း ၁ ဇွန်း၊ တရုတ်မဆလာ လက်ဘက်ရည်ဇွန်း ၂ ဇွန်း၊ သကြား လက်ဘက်ရည်ဇွန်း ၁ ဇွန်း၊ ဆား လက်ဘက်ရည်ဇွန်း ၁ ဇွန်းခွဲ၊ အချိုမှုန့် အနည်း ငယ်၊ ပြောင်း ဖူးမှုန့် ဟင်းခတ်ဇွန်း ၁ ဇွန်း ကို လက်ဖြင့် သမအောင်နှယ်ပြီး နာရီဝက် နှပ်ထား ပါတယ်။ နှပ်ထားပြီးလျင် ၀က် သား ကြိတ်သား ကို လုံးပါ။

ဝက်သားလုံးနှပ်ထားချိန်မှာ မုန်လာဥနီ ၁လုံးကို အခွံခွာပြီး ပါးပါးလှီးပါ။ ခရမ်းချဉ်သီး ၁လုံးကို ၄စိတ်စိတ်ထားပါ။ ကြက်သွန်ဖြူ ၂မွှာနှင့် ဂျင်း လက်၁ဆစ်ကို ထောင်းထားပါ။ ပန်းဂေါ်ဖီကို လှီးထားပါ။ Broccoli ကိုလည်း လှီး ထားပါ။ (or) ဗိုလ်စားပဲသီး ၁၀ တောင့်ကို ၁တောင့်ချင်းဆီကို စောင်းစောင်းလှီးထားပါ။

ဒယ်အိုးထဲမှာ ဆီ ထည့်ပါ။ ဆီကျက်လျင် လုံးထားသော ၀က်သားများကို မီးအေးအေးဖြင့်ကြော်ပါ။ နီလာလျင် ဆယ်ပြီး ပန်းကန်ထဲထည့်ထားပါ။

နောက်ထပ် ဒယ်အိုး ၁လုံးထဲ ဆီထည့်ပါ။ ကြက်သွန်ဖြူ ၂မွှာနှင့် ဂျင်း လက်၁ဆစ် ထောင်းထားပြီးသားကို ဆီသတ်ပါ။ brocoli ထည့်ပါ။ ပန်းဂေါ်ဖီထည့်ပါ။ မုန်လာဥနီထည့်ပါ။ ကြော်ထားပြီးသော ၀က်သားထည့်ပါ။ Sweet and Sour Sauce ထည့်ပါ။ ခရမ်းချဉ်သီးထည့်ပါ။ ချခါနီး အချိန်မှ တရုတ်နံနံ အုပ်ပါ။

ဂေါ်ရခါးညွှန့်ကြော်ချက်

ဂေါ်ရခါးညွှန့်ကို Golden Miles သွားတုန်းက၀ယ်လာတာပါ။ သိပ်အကြိုက်ချည်းထဲမှာမပါပါဘူး။ ဂေါ်ရခါးညွှန့်ကို အရင်ဦးဆုံး ခြွေပါတယ်။ အရိုးရင့် အောက်ပိုင်းကိုဓားဖြင့်လှီးပြီးဖြတ်ထုတ်လိုက်ပါတယ်။ ကြက်သွန်ဖြူ ၃မွှာကို ဓားပြားရိုက်၊ ကြက်သွန်နီ ၁၀က်ကို ပါးပါးလှီးဆီသတ်၊ ဆား၊ အချိုမှုန့်ထည့်ပြီ ကြော်ထားတာပါ။

ကိုက်လန်အရိုး ခရုဆီကြော်

NTUC မှာ ကိုက်လန်အရိုးချည်းပဲ ရောင်းပါတယ်။ ဒါပေမယ့် ၁ခါ၁ရံမှသာ တွေ့တတ်ပါတယ်။အကြီးကြီး၁ချောင်း ထဲပါ။ Kai Lan Stem လို့ရေးထားပါတယ်။

ကိုက်လန်အရိုးအရင်းပိုင်းကိုဓားဖြင့်ဖြတ်ထုတ်လိုက်ပါတယ်။အပေါ်ယံအရေခွံကိုလဲခြစ်ထုတ်လိုက်ပါတယ်။ လက် ၂ဆစ်အရှည်လောက်လှီးပါတယ်။ ကြက်သွန်ဖြူ၃မွှာကို ဓားပြားရိုက်ပြီးအခွံခွာထားပါတယ်။ ဆီအနည်းငယ် ထည့်ပါ။ ကြက်သွန်ဖြူဓားပြားရိုက်ထားတာထည့်ပြီး ဆီသတ်ပါတယ်။ ကိုက်လန်အရိုးထည့်၊ ဆား၊ အချိုမှုန့်၊ ခရု ဆီတို့ကိုတပြိုင်တည်းဆက်တိုက်ဆိုသလိုထည့်ပါတယ်။ ၇မိနစ်လောက်ဆိုရင်ရပါပြီ။ စားရတာ ထုတ်ထုတ်နဲ့ အရသာ အရမ်းရှိပါတယ်။

လာလည်သူအားလုံး ကျန်းမာရွှင်လန်းပါစေရှင် ......

ဆိတ်သားခြောက် ဆီပြန်ဟင်း

ဆိတ်သားခြောက်ကို လက်ဖြင့်ဖဲ့ပြီး ဆီ၊ ဆား၊ အချိုမှုန့်နှယ်ပြီး ကြာရှည်စားလို့ရသလို ချက်ပြီးလည်းစားလို့ရ ပါတယ်။ ကျွန်မချက်ထားတာ ၁ထုတ်ရဲ့ ၃/၄ ပါ။

ကြက်သွန်နီ၊ ကြက်သွန်ဖြူ၊ ဂျင်း၊ ငရုတ်ပွခြောက်အားလုံး ညက်နေအောင်ထောင်းပါ။ ဆီထည့်ပါ။ ဆီကျက် ရင်ထောင်းထားသောအရာများကိုထည့်ပါ။ ခရမ်းချဉ်သီး၁လုံးကို ပါးပါးလှီးပြီးထည့်ပါ။ ခရမ်းချဉ်သီးကြေပြီ ဆို လျင်ဆိတ်သားခြောက်ကို လက်ဖြင့်ခြေပြီးထည့်ပါ။ ဆား၊ အချိုမှုန့်ထည့်ပါတယ်။ ခဏလောက်ထားပြီးမှ ငရုတ် သီးစ်ိမ်းတောင့်ထည့်ပါတယ်။ ဆီပြန်ရင် ရပါပြီ။

ဖက်ထုတ်

ကျွန်မငယ်ငယ်က ဖက်ထုတ်အရမ်းကြိုက်တဲ့ ဆိုင်လေး ၁ဆိုင်ရှိပါတယ်။ ကျွန်မဖက်ထုတ်စ စားဖူးခဲ့တဲ့ဆိုင်လေး ပါ။ စစားခဲ့တုန်းက ကောင်းတဲ့ဆိုင်စားခဲ့ရတော့ နောက်စားခဲ့တဲ့ဆိုင်က ယခင်စားတာလောက်ကောင်းတယ်လို့ မ ထင်မိဘူး။ မေမေက ကျောင်းကပြန်တိုင်း ၁ခါ၁လေ ၀ယ်ကျွေးတယ်။ ကျွန်မထက် ကြီးတဲ့သူတွေက မှတ်မိကြ ပါလိမ့်မယ်။ မှတ်မှတ်ရရ ကျွန်မ ၄တန်းမရောက်ခင် အချိန်ကပါ။ ၁၉၈၅ မကျော်ခင်။ အဲဒီအချိန် ဖေဖေက UK မှာ။ ဆိုင်လေးက Yangon University Main Entrance ရှေ့ကလှည်းနဲ့ရောင်းတဲ့ဆိုင်လေးပါ။ (စိတ်မရှိပါ နဲ့နော်။ ကျွန်မပဆင့်တွေနဲ့မရိုက်တတ်ဘူး။ ပြောရရင် ဘယ်နားရှိမှန်းမသ်ိလ်ို့ပါ)။ ကျွန်မကိုယ်တိုင်လုပ်စားကြည့် ချင်လို့လုပ်ကြည့်တာပါ။ အခု အဲဒီ့ဆိုင်လေး မရှိတော့ပါ :(

လုပ်နည်းပြောပြမယ်နော်။ NTUC ကနေ wanton အဖတ်ဝယ်လာပါတယ်။ ကြက်သားကြိတ်ထားပြီးသားပါဝယ် ပါတယ်။ အရင်ဆုံး ကြက်သားကြိတ်ထားပြီးသားထဲက ၁၀က်သုံးပါတယ်။ ဇလုံ ၁ခုထဲမှာ ကြက်သားကြိတ်သား ၁၀က်၊ ဆား၊ အချိုမှုန့်၊ ပဲငံပြာရည် အနောက်၊အကြည်၊ ကော်မှုန့် အနည်းငယ် ကြိုက်တတ်ရင် ကြက်သွန်မြိတ် ပါးပါးလှီးထည့်ပါ)၊ ကြက်ဥကိုဖောက်ပြီးထည့်ပါတယ်။ ကျွန်မကဒီမှာ ကြက်သွန်မြိတ် ထည့်မထားပါဘူး။ ၁၅မိနစ် လောက်နှပ်ထားပါတယ်။ စပြီးဖက်ထုတ်လုပ်တော့မယ်ဆိုရင် လက်၂ဖက်လုံး ခြောက်သွေ့နေရပါ မယ်။ ရေမစိုစေရပါဘူး။ ရေစိုရင် ဖက်ထုတ်လုပ်ရာမှာ ဖက်ထုတ်အရွက်ကို ထုတ်မရဖြစ်တတ်ပါတယ်။ ဖက်ထုတ် ၁ရွက်ယူ၊ နှပ်ထားသောကြက်သားအနည်းငယ်ယူပြီး အလယ်ခေါင်ကိုပုံလိုက်ပါ။

ပုံမှာပြထားတဲ့အတိုင်းထုတ်လိုက်တာပါ။ စိတ်ရှည်ရှည်လုပ်ရပါတယ်။ နောက်၁ကြိမ်လုပ်စားဖြစ်မယ်မထင်ပါ။ ထည့်တဲ့အစာများသွားရင်လည်းအလယ်ကမကျက်တာဖြစ်တတ်ပါတယ်။ဖက်ထုတ်ပေါင်းလုပ်စားဖို့ရာအဆင်ပြေ မယ်မထင်ပါ။ ကျွန်မအိမ်မှာ ပေါင်းအိုးလဲ မရှိပါ။ ကျွန်မဖက်ထုတ်ကြော်မကြိုက်ပါ။ ဒါနဲ့ပဲဖက်ထုတ်ပြုတ်ဖြစ်သွား ပါတယ်။ လက်ကျန်ကြက်ရိုးကလဲရှိနေသေးတယ်လေ။ ဒယ်အိုး၁လုံးမှာ ရေထည့်၊ ရေဆူလာရင် ကြက်သွန်ဖြူ ဓားပြားရိုက်ထည့်၊ ကြက်သွန်ဖြူအနံပျောက်မှ ကြက်ရိုးထည့်၊ ၁၀မိနစ်နေမှ ဖက်ထုတ်အားလုံးကို ၁ခုချင်း ဆီဖြေးဖြေးထည့်ပါတယ်။ ဆား၊ အချိုမှုန့်ထည့်ပါတယ်။ ၁၅မိနစ်နေရင် ရပါပြီ။

ကြက်မြစ် ကြက်သဲဆီပြန်ဟင်း

ကြက်မြစ်၊ကြက်သဲဟင်းကို ဆား၊အချိုမှုန့်၊ကြိတ်မဆလာတို့ဖြင့်နှယ်ပြီး ၁ညနှပ်ထားပါတယ်။ ကြက်သွန်နီ၊ ကြက် သွန်ဖြူ၊ ဂျင်း၊ ငရုတ်ပွခြောက်အားလုံး ညက်နေအောင်ထောင်းပါ။ ဆီထည့်ပါ။ ဆီကျက်လျင်ထောင်းထားသော အရာများကိုထည့်ပါ။ နွမ်းလာပြီဆိုလျင် နှပ်ထားသောကြက်မြစ်ကြက်သဲထည့်ပါ။ ရေ၃ရေထည့်ပြီး ဆီပြန်လာရင် ရပါပြီ။

ငါးရံခြောက်ဟင်း/ငါးခြောက်ဟင်း

ငါးရံခြောက်ပြားကို ၂မြောင်းဖြတ်လိုက်ပါတယ်။ လက်၁ဆစ်အရွယ်လှီးပြီး ရေ၁၀မိနစ်ခန့်စိမ်လိုက်ပါတယ်။ ငါးရံခြောက် အသားပွတက်လာအောင်ပါ။ ကြက်သွန်နီ၊ ကြက်သွန်ဖြူ၊ ဂျင်း၊ ငရုတ်ပွခြောက်အားလုံးညက်နေ အာင်ထောင်းပါ။ ဆီထည့်ပါ။ ဆီကျက်လျင်ထောင်းထားသောအရာများကိုထည့်ပါ။ ခရမ်းချဉ်သီး၁လုံးပါးပါးလှီး ပြီးဆီသတ်ပါတယ်။ ခရမ်းချဉ်သီးကြေပြီဆိုလျင် ငါးခြောက်အတုံးလေးတွေထည့်ပါ။

ရေ၁ရေနှုးပြီးလျင်နောက်ထပ်၁ရေထပ်ထည့်ပါ။ ရေစ်ိမ်ထည့်တာထက်ရေနွေးဆူပြီးသားထည့်တာပိုကောင်းပါ တယ်။ ငရုတ်သီးစိမ်းတောင့်ကိုထက်ခြမ်းခြမ်းပြီးထည့်ပါတယ်။ ကျွန်မကအဲဒီလိုချက်စားရင် ငရုတ်သီးစ်ိမ်းတောင့် ကိုက်စားရတာအရမ်းကြိုက်လို့များများထည့်ပါတယ်။ ချခါနီးမှ နံနံပင်အုပ်ပါ။

လာလည်သူအားလုံး ကျန်းမာရွှင်လန်းပါစေရှင် .....

ငါးသလဲထိုး ဆီပြန်ဟင်း

City Hall ကနေ ငါးသလဲထိုး စားချင်နေလို့ဝယ်လာခဲ့ပါတယ်။ အရမ်းအကြိုက်ကြီးထဲမှာမပါပါဘူး။ ချက်စား တာ တော်တော်ကိုရှားပါတယ်။ ငါးသလဲထိုးကြော်ထက် ဟင်းကိုပိုကြိုက်ပါတယ်။ ငါးသလဲထိုး ၁၀က်ကိုရေ စင်အောင်ဆေးပြီး ဆား၊ ဆနွင်း၊ အချိုမှုန့်တို့ဖြင့် နှပ်ထားပါတယ်။ ကြက်သွန်နီ၊ ကြက်သွန်ဖြူ၊ ဂျင်း၊ ငရုတ် ပွခြောက်အားလုံး ညက်နေအောင်ထောင်းပါ။ ဆီထည့်ပါ။ ဆီကျက်လျင် ထောင်းထားသောအရာများ ကိုထည့်ပါ။ ခရမ်းချဉ်သီး၁လုံး ပါးပါးလှီးပြီးဆီသတ်ပါတယ်။ ခရမ်းချဉ်သီးကြေပြီဆိုလျင် နှယ်ထားသောငါးသလဲထိုးများ ထည့်ပါတယ်။ ပုဇွန်အကွေး ငါးအနွေးဆိုတဲ့အတိုင်း ဆီပြန်လာလျင် နံနံပင်အုပ်ပြီး သုံးဆောင်နိုင် ပါပြီ။

အားလုံးပဲ ကျန်းမာရွှင်လန်းပါစေရှင် .....

အိမ်လုပ် Pizza

ဒီ၁ခါ အိမ်လုပ် Pizza အကြောင်းပြောပြမယ်နော်။ ကျွန်မ Pizza အရမ်းကြိုက်ပါတယ်။ နာနတ်သီးပါတဲ့ Pizza ကလွှဲရင်ကျန်တာအကုန်စားပါတယ်။ Pizza အိမ်မှာဘယ်လိုလုပ်ရလဲဆိုတာ နည်းလမ်းပေးသော Aunty Sweet ကို ကျေးဇူးတင်ကြောင်းပြောပါရစေရှင်။

ကျွန်မ Pizza ဘယ်လောက်ကြိုက်လဲဆိုရင် သားသားကိုယ်ဝန်ဆောင်ထားစဉ်က Pizza အရမ်းကြိုက်လို့ မှာ Online ကနေ Delivery မှာစားတာလေ။ အိမ်နဲ့ Pizza Hut ကနီးနီးလေးကို ... :)

ကျွန်မလုပ်ပုံလုပ်နည်းပြောပြမယ်နော် ...


ပုံမှာပါတဲ့အတိုင်းအားလုံး Fair Price မှာဝယ်လို့ရပါတယ်။ Pizza အောက်ခံက ၁ထုတ်ကို ၅ချပ်ပါပါတယ်။ ကျွန်မသုံးထားတာ Italian Sauce ပါ။ Pizza ပေါ်ဖြူးရတဲ့ Cheese ကိုဝယ်ပါတယ်။ အထုတ်မှာရေးထားတတ် ပါတယ်။
ဒီပုံက Pizza မှာပါတာတွေကို ပြင်ဆင်ထားတာပါ။ အရင်ဦးဆုံးကြက်သားကို အသားချည်းပဲ ပြုတ်ပါတယ်။ ကြက်သားဟင်းချက်စဉ်က ဖယ်ထားတဲ့ အသားတွေကို ဆား၊ အချိုမှုန့်နှယ်ပြီးပြုတ်လိုက်ပါတယ်။ မှို၅လုံးကို လှီးထားပါတယ်။ ပန်းငရုတ်ပွ ၁လုံးရဲ့ ၁၀က်ကို သေးသေးလေးတွေလှီးထားပါတယ်။ Picnic Ham ကိုလေးတောင့်ပုံစံလေးတွေလှီးထားပါတယ်။

Pizza Base ၁ချပ်ကိုယူပြီး Intalian Sauce ကို ပေါင်မုန့်သုတ်တဲ့ ဓားဖြင့် ပေါင်မုန့်သုတ်သလိုပုံစံ သုတ်လိုက်ပါ တယ်။ မထူမပါးသုတ်လိမ်းပေးရပါမယ်။ အရမ်းထူလွန်းအားကြီးလဲမကောင်းပါဘူး။ ကြက်သားပြုတ်ထားပြီးသား ကိုအနှံတင်ပါတယ်။ Picnic Ham ကိုလဲနေရာအနှံတင်ပါတယ်။ မှိုလဲတင်ပါတယ်။ ပြီးရင် ပန်းငရုတ်ပွတင် ပါတယ်။ နောက်ဆုံးမှ Cheese ကို နေရာအနှံဖြူးပါတယ်။ ကျွန်မအိမ်မှာ Oven မရှိတဲ့ အတွက် Oven လိုပုံစံပေါင်မုန့်မီးကင်စက်နဲ့ အပေါ်နှင့်အောက် မီးအပူဖြင့် ၁၀မိနစ်ခန့်ကင်ပါ တယ်။ မကင်ခင် ကင်မယ့် သံပြားကို မကပ်အောင် ထောပတ်/ဆီအနည်းငယ် သုတ်လိမ်းပေးပါ။

နောက်ဆုံးမှာ ဒီလိုလေးဖြစ်လာပါတယ်။

အားလုံးပဲကျန်းမာရွှင်လန်းပါစေရှင် .....

ပဲပုတ်ချက်

City Hall ကနေ ပဲပုတ်တွေ့လို့ ပဲပုတ်ချက်စားရအောင် ၀ယ်လာပါတယ်။ ကြက်သွန်ဖြူ၊ ကြက်သွန်နီ၊ ဂျင်း နှင့် ငရုတ်ပွခြောက်ညက်နေအောင်ထောင်းပြီးဆီသတ်ပါတယ်။ အရောင်လှချင်တယ်ဆိုရင်တော့ အရောင်တင်မှုန့် အနည်းငယ်ထည့်ပါ။ နွမ်းလာပြီဆိုလျင် ခရမ်းချဉ်သီး၁လုံးပါးပါးလှီးပြီး ထည့်ပါ။ ခရမ်းချည် သီးကြေပြီ ဆိုလျင် ပဲပုတ်ထည့်၊ ငပိစိမ်းစား အနည်းငယ်ထည့်ပါ။ ငရုတ်သီးစိမ်းတောင့်ကို ထက်ခြမ်းခြမ်းပြီး ထည့်ပါတယ်။ ဆား၊ အချိုမှုန့် ထည့်ပါတယ်။ ဆီပြန်လာရင် ရပါပြီ။

အားလုံးပဲ ကျန်းမာရွှင်လန်းပါစေရှင် .....

ပဲပုတ် (အနီးကပ်)

ကိုယ်တိုင်ချက် မုန့်ဟင်းခါး

ကျွန်မမုန့်ဟင်းခါးကိုကြိုက်ပါတယ်။ရန်ကုန်ပြန်ရင်စားနေကျဆိုင်လေးရှိတယ်။ မောင်သိန်းမုန့်ဟင်းခါးခေါ်အင်း ယားလမ်းမဖြူ မုန့်ဟင်းခါးဈေးကိုကသူများထက် ၂ဆ၊၃ဆဈေးအရမ်းကြီးပါတယ်။ အဲဒီမုန့်ဟင်းခါးကို ဘယ်လောက်ကြိုက်လဲဆိုရင် ရောက်တဲ့နေ့မှာ အဲဒါပဲစားတာ။ ထမင်းတောင် မစားတော့တာ။ မေမေရှိစဉ်က ဘယ်လိုချက်သလဲဆိုတာ မေးဘူးတယ်။ သူတို့က ဘယ်တော့မှနည်း မပေးဘူး။ မေမေ မေးပါများတော့မှ ငါး ကျည်း၊ ငါးခူနဲ့ ချက်တာဆိုတာသိရတယ်။ ဒါပေမယ့်ချက်ကြည့်တော့လဲ မတူပါဘူး။ ကျွန်မက ဒီမှာ Seabass ငါးခူ၊ငါးကျည်းနဲ့၃မျိုးချက်တယ်။ ငါးကျည်းကအကောင်းဆုံးပဲ။ ကျွန်မငါးကျည်းနဲ့ချက်ပုံချက်နည်းပြောပြမယ်နော်။

ကုလားပဲလက်၁ဆုပ်စာကို ၁ညရေစိမ်ထားပါတယ်။ မနက်ရောက်လျင်ကုလားပဲကိုပြုတ်ပါတယ်။ ပြီးရင်Blender နဲ့ကြိတ်ထားပါတယ်။

မွှေးတံဆိပ် ဆန်စိမ်းမှုန့် ဟင်းခတ်ဇွန်း ၄ဇွန်းကို ရေအေးနှင့်ဖျော်ထားပါတယ်။

မြေပဲကို ငရုတ်ဆုံနဲ့ မညက်တညက်လေးထောင်းထားပါတယ်။

ကြက်ဥ ၅လုံးပြုတ်၊ အခွံခွာပြီး ပါးပါးလှီးထားပါတယ်။

အရင်ဦးဆုံး City Hall က နေ၀ယ်လာတဲ့ ငါးကျည်း ၁ထုတ်ကို ၁၀က်တိတိ သုံးပါတယ်။ ငါးကျည်းကို ငံပြာရည်၊ အချိုမှုန့်နယ်ပြီး စပါး လင် ၁ချောင်းကို ၃ပိုင်းပိုင်း၊ ဂျင်းလက်၁ဆစ်ပါထည့်ပြီး ပြုတ်ပါတယ်။ ငါးငြီနံပျောက်အောင် ပါ။ ၁၅ မိနစ်ဆိုရင် ငါးကျည်းနူးလောက်ပါပြီ။ ငါးကျည်းကို ဆယ်ပြီး အအေးခံထားပါတယ်။ အေးသွားပြီဆိုလျင် ငါးကျည်းကို အသားချည်းပဲနွံပါတယ်။ ငါးကျည်းအရိုးကို သတ်သတ်ဖယ်ထားပါတယ်။

ငါးကျည်းအရိုးကို ငရုတ်ဆုံထဲထည့်ပြီး ညက်နေအောင်ပြန်ထောင်းပါတယ်။ အရည်ထွက်လာအောင်ပါ။ ငါးကျည်း အရည်ကိုသပ်သပ်ပန်းကန်ထဲမှာ ထည့်ထားပါတယ်။

ဂျင်းလက်၂ဆစ်၊ ကြက်သွန်ဖြူ ၅တောင့်၊ စပါးလင် ၁ချောင်းကိုရောပြီး Blender နဲ့ကြိတ်လိုက်ပါတယ်။ ပြီးရင် ငရုတ်ဆုံထဲထည့်ပြီးညက်အောင် ထပ်ထောင်းပါတယ်။

မုန့်ဟင်းခါးချက်မယ့်အိုးမှာ ဆီအနည်းငယ်ထည့်ပြီး ဆနွင်းမှုန့်ထည့်ပါ။ ပြီးမှဂျင်း၊ ကြက်သွန်ဖြူ၊ စပါးလင်ထောင်း ထားတာကိုဆီသတ်ပါတယ်။ မွေးလာပြီး အ၀ါရောင်သန်းလာပြီဆိုလျင် အရောင်တင်မှုန့်အနည်းငယ် ထည့်ပါ တယ်။ ငါးကျည်းနွှင်ထားပြီးသား အသားကိုထည့်ပါတယ်။ အိုးမကပ်အောင် အဆက်မပြတ် မွှေပေးနေပါ။ ဆီပြန်လာခါနီး အချိန်မှ ငါးကျည်းပြုတ်ထားသောအရည်ကို ထည့်ပါတယ်။ ပြီးရင် ငါးကျည်းထောင်းထားသော အရည်ထည့်ပါတယ်။ ပွက်ပွက်ဆူအောင်စောင့်ပြီး ဆန်စိမ်းမှုန့်အရည်ဖျော်ထားတာရယ်၊ ကုလားပဲထောင်း ထားပြီးသားကို ထည့်ပါတယ်။ မြေပဲထောင်းထားပြီးသားပါ ထည့်ပါတယ်။ ကြက်သွန်နီ အလုံးသေးသေးလေးတွေ ထည့်ပါတယ်။ ကြက်ဥ ပါးပါးလှီးထားတာပါ ထည့်ပါတယ်။ မုန့်ဟင်းခါးဟင်းရည်ကျအောင်တည်ပါတယ်။

မုန့်ဟင်းခါးဟင်းရည်ပျစ်ပျစ်ကြိုက်သူများက Seabass ငါးနှင့်ချက်လျင်ကောင်းပါတယ်။ ကျွန်မကတော့ ငါးကျည်း နှင့်ချက်တာကိုပိုကြိုက်ပါတယ်။

ငှက်ပျောအူရှိရင်ငှက်ပျောအူပါးပါးလှီး၊ဆနွင်းမှုန့်အနည်းငယ်ထည့်ပြီးရေစိမ်ပါ။ပြီးရင်အိုး၁လုံးမှာထည့်ပြီးနှုးအောင်ပြုတ်ပါ။

မုန့်ဟင်းခါးထဲကို ပဲကြော်၊ နံနံပင်၊ သံပုရာသီး၊ ငရုတ်သီးမှုန့်ထည့်ပြီး သုံးဆောင်နိူင်ပါပြီရှင် ....

ငါးကျည်းနှင့်ချက်သောမုန့်ဟင်းခါး (အနီးကပ်)

ငါးကျည်းနှင့်ချက်ထားသော မုန့်ဟင်းခါးအိုး (အနီးကပ်)

ငါးခူနှင့်ချက်သောမုန့်ဟင်းခါး

Seabass ငါးနှင့်ချက်သော မုန့်ဟင်းခါး

အားလုံးပဲ ကျန်းမာရွှင်လန်းပါစေရှင် ...

လမ်းသရဲမုန့်

လိုအပ်သော ပစ္စည်းများ

Blog မရေးဖြစ်တာ အတော်ကြာသွားပြီ။ ဒီ၁ခါ အားလုံးသိပြီးပြီဖြစ်တဲ့ လမ်းသရဲမုန့် ခေါ် ရေမုန့် ခေါ် မုန့်ရေပါး အကြောင်း ပြောပြမယ်နော်။ ကျွန်မ အရမ်းကြိုက်တဲ့ မုန့်ပါ။ ကျော်စားတဲ့နေ့ဆို ၁ခါ၁လေ ထမင်းနည်းနည်းပဲစား တာ။

ဆန့်မှုန့် ဆန်ခြင်ခွက် ၁ခွက်၊ ရေ ဆန်ခြင်ခွက် ၂ခွက်၊ ဆန်မှုန့် နှင့် ရေက ၁:၂ ဖြစ်ရပါမယ်။ လက်နဲ့ မွှေပေးပါ။ ဆား၊ အချိုမှုန့် ထည့်ပါ။ ဂေါ်ဖီထုတ်ပါးပါးလှီး၊ ပဲပြုတ်၊ နံနံပင် ပါးပါးလှီး၊ ငရုတ်သီးစိမ်းတောင့် ပါးပါးလှီး၊ ခရမ်းချဉ် သီး ၁လုံး ပါးပါးလှီး၊ ကုလားလေး မဆလာ အဆင့်သင့် လုပ်ထားပါ။ ဒယ်အိုးပြားဖြစ်ရပါမယ်။ ဆီက ၁ချပ်ကို ဟင်းခတ်ဇွန်း ၂ဇွန်းထည့်ပါ။ ဆီပူလာလျင် ယောက်ချို ဇွန်း ဖြင့် အနီးကပ် လောင်းထည့်ပါ။ အနီးကပ်လောင်း ထည့်မှ ၀ိုင်းဝိုင်းလေး ဖြစ်လာမှာပါ။ တဆက်ထဲ ဂေါ်ဖီဖြူး၊ ပဲပြုတ်ဖြူး၊ ခရမ်းချဉ်သီးဖြူး၊ နံနံပင်ဖြူး၊ မဆလာဖြူး ပြီး အဖုံးအုပ်ထားပါ။ ဘေးသား ကျွတ်လာရင် ရပါပြီ။ ဘေး သား မကျွတ်ခင် မမွှေပါ နဲ့။ မွှေလိုက်ရင် ပုံစံပျက်ပြီး ပစ်လိုက်ရတတ်ပါတယ်။ အိုးကို နည်းနည်းလှုပ်ပါ။ ၅ခုလောက်တော့ ရပါတယ်။

၂ယောက်လုံးကလည်း အရမ်းကြိုက်တော့ နောင်အမြဲလုပ်စားဖြစ်မယ့် မုန့်လေး ဖြစ်လာဦးမှာပါ။

အနီးကပ်

လမ်းသရဲမုန့်

ကျွန်မ ချက်ထားပြီး မတင်ဖြစ်တာတွေ အများကြီးပါ။ ကြိုးစားပြီးတင်ပါ့မယ်။ စောင့်မျှော်ပါဦးနော်။ လာကြည့်ပြီး ဘာမှမရှိပဲ ပြန်သွားရတဲ့ အတွက် အားလုံးကို အားလဲ အရမ်းအားနာပါတယ်။

အားလုံးပဲ ကျန်းမာရွှင်လန်းပါစေရှင် ...

သခွားသီးသုတ်

သခွားသီးသုတ် ဆိုပေမယ့် ကျွန်မက သဘောင်္သီး မကြိုက်လို့ သခွားသီးနဲ့သုတ်ကြည့်တာပါ။ အရမ်းစားကောင်း ပါတယ်။ ကျွန်မကချဉ်ချဉ်စပ်စပ်ဆိုရင်အရမ်းကြိုက်တာ။ ကိုယ်တိုင်လုပ်စားချင်နေတာကြာပြီ။ သခွားသီးနဲ့ သုတ် ရင်ကောင်းမှာပဲလို့ စဉ်းစားမိပါတယ်။ ကျွန်မက အဲဒီလိုပေါက်တတ်ကရတွေလည်း ၁ခါ၁လေ လုပ်တတ်တယ်။ အထူးအဆန်းပေါ့။ စားကောင်းတော့လည်း နောက်ထပ်ချက်ရမယ့်ဟင်း ၁ခွက် တိုးသွားတာပေါ့ရှင်။ အခုလဲ ကျွန်မအတွက် နောက်ဟင်း ၁ခွက် တိုးသွားပါပြီ။ စကားမစပ် ဒီနေ့ သားသား အသက် ၁နှစ် ၁လပြည့် သွားပါပြီ။

အရင်ဦးဆုံး သခွားသီး ခပ်လတ်လတ်၁လုံးကို အခွံခွာ၊ ထိပ်ပိုင်း ၂ခုကိုဖြတ်ပစ်ပါတယ်။ ရေဆေးပါတယ်။ ထက် ခြမ်း ခြမ်း ပြီး အစေ့အကုန်လုံးကို ဓားနဲ့ထုတ်ပစ်ပါတယ်။ ဓားဖြင့် သေးသေးရှည်ရှည်လှီးပါတယ်။ စိတ်တော့ အတော်ရှည်ရတယ်။ ပန်းကန်လေးထဲမှာ လှီးထားပြီးပြီဖြစ်သော သခွားသီးတွေကို ပုံထားပါတယ်။ ပဲသီးတောင့် ကိုရေဆေးပြီး အနေတော် လှီးထားပါတယ်။ လက်၂ဆစ် အရွယ်ဆိုရပါတယ်။ စိမ်းစားငပိကို မီးဖုတ်ပါတယ်။ ကြက်သွန်ဖြူ ၃မွှာကို အခွံမချွတ်ပဲ မီးဖုတ်ပါတယ်။ ငရုတ်သီးစိမ်းတောင့် ၁၀ တောင့်ကို အညာခြွေပြီး လှော်ပါ တယ်။ ငရုတ်ဆုံထဲမှာ စိမ်းစားငပိဖုတ်ပြီးသား၊ ကြက်သွန်ဖြူ ဖုတ်ပြီး အခွံနွာပြီးသား၊ ငရုတ်သီးစိမ်း တောင့် မီးဖုတ်ပြီးသားကို အားလုံး ၁ခုပြီးမှ ၁ခု ညက်နေအောင်ထောင်းပါတယ်။ ညက်ပြီးဆိုလျင် ပန်းကန်ထဲမှာထည့် ထားပါတယ်။ သံပုရာသီး ၁စိတ်လှီးပါ။ ကျွန်မက ၁ခြမ်းလုံးထည့်ချင်တာ။ မြေပဲအနည်းငယ်ကိုထောင်းပါတယ်။ မြေပဲက ထောင်းထားတာကော၊ မြေပဲကော ၂မျိုးလုံးထည့်ပါတယ်။ ခရမ်းချဉ်သီးအသေး၁လုံးကို ပါးပါးလှီးထား ပါတယ်။ အားလုံး အသင့်ဖြစ်ရင် ဆား၊ အချိုမှုန့်ထည့်ပြီး သုတ်လို့ရပါပြီ။

အစေ့လွတ် သခွားသီး မသုတ်ခင်

အစေ့လွတ် သခွားသီး သုတ်အပြီး

အားလုံးပဲ ကျန်းမာရွင်လန်းပါစေရှင် ...

ငါးကျည်းခြောက်ကြော်

ငါးကျည်းခြောက်ကို ထက်ပိုင်းပိုင်းပြီး အလယ်ကအရိုးကို ထုတ်ပါ။ ကြက်သွန်နီ ခပ်လတ်လတ် ၂ဥ၊ ကြက်သွန်ဖြူ ၅မွှာ၊ ဂျင်းလက်၁ဆစ်တို့ကိုအခွံခွာရေဆေးပြီး ပါးပါးလှီးပါ။ အကြော်ကြော်တဲ့ ဒယ်အိုးထဲမှာ ဆီထည့်ပါ။ ဆီကျက် ရင် ငါးကျည်းခြောက် အခွံခွာထားတာ ထည့်ပြီးကြော်ပါ။ ကြွပ်တဲ့ အထိကြော်ပါ။ ကြွပ်လာရင် ဆယ်ပြီး ပန်းကန် ပြား ၁ခုထဲထည့်ထားပါ။ အကြော်ကြော်ထားသောဆီဖြင့် လှီးထားသော ကြက်သွန်နီ၊ ကြက်သွန်ဖြူ၊ ဂျင်းတို့ကို နီညိုရောင် သန်းလာတဲ့ အထိကြော်ပါ။ နီညိုရောင်သန်းလာတဲ့ အချိန်မရောက်ခင်မှာ ငရုတ်သီး လေးစိပ်ကွဲ ထည့်ပါ။ ဆား၊ အချိုမှုန့်ထည့်ပါ။ အစပ်ကြိုက်တဲ့သူများအတွက်ကတော့ များများထည့်နိုင်ပါတယ်။ ကျွန်မက တော့ အနေတော်ထည့်ပါတယ်။ ပြီးရင်ဆယ်ပြီး အသင့်ကြော်ထားပြီးသော ငါးကျည်းခြောက်ပေါ် ကို အုပ်လိုက်ပါ။

ထမင်းစားရင် ဘယ်ဟာနဲ့စားစား ထမင်းစားမြိန်စေပါတယ်။ ကျွန်မတို့ ၂ယောက်ကတော့ ၂ရက်လားခံတယ်။ ၁ခါထဲကြော်လည်းရပါတယ်။ ကျွန်မငယ်ငယ်တုန်းက စကြော်ခါစ ငါးကလည်းမကျက်သေး၊ ငရုတ်သီးလေး စိပ်ကွဲကကျက်နေပီ။ မီးဖိုဆောင် ၁ခုလုံး ငရုတ်သီးအညော်နံတွေ (၁အိမ်လုံး အညော်နံရခဲ့တယ်ဆိုရင် ပိုမှန်ပါ လိမ့်မယ်) ရှိခဲ့ဖူးလို့ အဲဒီကတည်းက ကြော်မယ်ဆိုလျင် ၁ခုပြီးမှ ၁ခုကြော်ပါတယ်။ ငယ်ငယ်တုန်းက မြန်မြန်ပြီး ချင်တဲ့စိတ်ရှိတော့ ပြီးပြီးရောချက်လိုက်တာ။ အဲဒီလို ၁ခုပြီး ၁ခုထည့်ပြီးကြော်တော့ စားလို့ပိုကောင်းတယ်။

သားသား ဓာတ်ပုံပြိုင်ပွဲ အကြောင်း

Blog ပေါ်က သူငယ်ချင်းတို့ရေ ...

အကူအညီ ၁ခု တောင်းချင်လို့ပါ။ သားသားရဲ့ အထက်ပါပုံလေးကို Facebookမှာ ပြိုင်ပွဲ ၀င်ပြိုင်ထားပါတယ်။ သားသားကို ချစ်တယ်ဆိုရင် သားသားပုံအောက်ကိုသွားပြီ Like ဆိုတာလေးကို Click ပေးပါ။

ပြုလုပ်ပုံ အဆင့် ဆင့်ကတော့
၁။ အရင်ဦးဆုံး SingaporeMummy ကိုသွားပါ။
၂။ SingaporeMummy Fun Page မှာရှိတဲ့ Like ကို Click လုပ်ပါ။
(SingaporeMummy ကို Like လုပ်ပြီးမှ သားသားပုံကို Like လုပ်လို့ရမှာပါ)
၃။ ပြီးရင် SingaporeMummy Baby Photo Contest Jan 2011 (Part 5) ပုံနံပါတ် 35 မှာ သားသားကို တွေ့ရ ပါမယ်။
၎။ သားသားပုံအောက်ခြေမှာရှိတဲ့ Like ကို Click လုပ်ပေးပါ။

စည်းမျဉ်းအရ Like လုပ်တဲ့ အရေအတွက်များတဲ့ ၄၇ယောက်က အနိုင်ရရှိမှာပါ။ ၁ယောက်ကတော့ ပထမဆုပါ။ အားလုံးကို အတင်းချည်းလဲ မတိုက်တွန်းပါဘူး။ သားသားကို ချစ်တယ်။ သားသားက ချစ်စရာကောင်းတယ်လို့ ထင်မြင်ယူဆရင် Like ပေးပါလို့။

နောက်ဆုံးနေ့က ၂၈ ရက်နေ့ ၂လပိုင်း ၂၀၁၁ ည ၁၂ နာရီ အထိ ပါ။

Blog လာလည်သူအားလုံး ကျန်းမာရွှင်လန်းပါစေ

ပဲစောင်းလျားသီးသုတ်

အလှူနေ့က လုပ်ဖြစ်ခဲ့တဲ့ ပဲစောင်းလျားသီးသုတ်ပုံသုတ်နည်း အကြောင်းပြောပြမယ်နော်။ ပဲစောင်းလျားသီးကို ပထမဦးစွာ အလယ်က အစင်းကြောင်းကို ခွာပါတယ်။ ဒါမှမဟုတ်ရင်လဲ လက်နဲ့ထက်ပိုင်းပိုင်းရင် အစလေးတွေ ထွက်လာမှာပါ။ ပြီးရင် ရေစင်အောင်ဆေးပြီး ၁၀ မိနစ်ခန့်ပြုတ်ပါတယ်။ ပြုတ်ပြီးသား ပဲစောင်းလျားသီးကို အအေးခံပြီး ဓားဖြင့် ပါးပါးလှီးပါ။ ပန်းကန်ထဲမှာထည့်ထားပါ။ မြေပဲ ထမင်းစားဇွန်း ၁ဇွန်းဝက်ခန့်ကို မညက်တညက် ထောင်းထားပါ။ ကြက်သွန်နီ ၁ဥ ခပ်လတ်လတ် အရွယ်ပါးပါးလှီးထားပါ။ ဇလုံ၁ခုထဲမှာ လှီးထား ပြီးသော ပဲစောင်း လျားသီး၊ လှီးထားပြီးသော ကြက်သွန်နီ၊ ဆီချက်၊ မြေပဲထောင်း၊ နှမ်း ထမင်းစားဇွန်း ၁ဇွန်း၊ သံပုရာသီး ၁စိတ်ညစ်ပြီး ထည့်ရန်၊ ဆား၊ အချိုမှုန့်၊ ငရုတ်သီး အမှုန့် ထည့်ပြီး သုံးဆောင်နိုင်ပါပြီ။

၁နှစ်ပြည့် သားသား

ကျွန်မအိမ်ရဲ့ ဘုရားစင်ပါ။
(ဘုရားအနေကဇာတင်တာ ညာဘက်)

သားသား ၁နှစ်မပြည့်ခင် ၁ရက် အလို

ပဲထောပတ်ထမင်း

ချဉ်ပေါင်အဖြူထည်

ငပိရည်တို့စရာ

၁နှစ်သားလေး MICKEY

သားသားမွေးနေ့ မနက်မှာ အိပ်နေလိုက်တာ တော်တော်နဲ့နိုးမရဘူး။ အတင်းနိုးယူရတယ်။ အခုဒီပုံလေးက အတင်းနိုးပြီး ည၀တ်အကျီချွတ်ပြီး အိမ်မှာနေရင်း အကျီ လဲပေးလိုက်ရတာ

ဟင်းအစုံအလင်

ဆိတ်သားဟင်း

ပဲစောင်းလျားသီးသုတ်

ကြက်သားဟင်း

ဒီနေ့ဟာ သားသား အသက် ၁နှစ်တင်းတင်းပြည့်ပါပြီ။ သားသားအတွက် မွေးနေ့ အလှူရယ်၊ ဘုရားအနေကဇာ တင်ရယ် ၂ခုပေါင်းပြီး ဘုန်းကြီး ၃ပါးကိုဆွမ်းကျွေးဖြစ်ပါတယ်။ မနက် ၆နာရီခွဲထချက်ပါတယ်။ ပဲထောပတ် ထမင်း၊ ကြက်သားဟင်း၊ ဆိတ်သားဟင်း၊ ပဲစောင်းလျားသီးသုတ်၊ ချဉ်ပေါင်အရည်ထည်၊ ငပိရည်တို့စရာ အစုံ နှင့်ပါ။ အချိုပွဲကောပါ။ သားသားမွေးနေ့ပါတီပွဲလေးကို စနေနေ့မှာလုပ်ဖို့ စီစဉ်ထားပါတယ်။ သားသား မွေးနေ့ အလှူနှင့် သားသားဓာတ်ပုံလေးကို မွေးနေ့ အမှတ်တရ အနေနဲ့တင်ပေးလိုက်ပါတယ်။

သားသား အသက် ၁၁လခွဲ Sentosa မှာ ရိုက်ထားတာ
မေမေနဲ့ တူတူရေ ၀ါးဆော့နေတဲ့ပုံလေးလေ

သားသားက ၁၁လခွဲနဲ့လမ်းစလျှောက်နေပါပြီ

သားသားကအခု လမ်းကောင်းကောင်းလျှောက်တတ်နေပြီလေ။ သားသားလမ်းလျှောက်တတ်တော့ ကျွန်မပို မောရတာပေါ့။ သားသားမွေးနေ့မှာ မေမေက ... ပညာထူးချွန်ထက်မြက်တဲ့ သားလိမ်မာလေး ၁ယောက် ဖြစ်ပါ စေလို့ဆုတောင်းပေးလိုက်တယ်နော်။

သားသား၁နှစ်မပြည့်ခင်အချိန်အထိ သားသားရဲ့ ပြုမူနေထိုင်တတ် တဲ့အမူအရာလေးတွေ အကြောင်းရေးပါဦး မယ် ...

Blog လာလည်သူအားလုံးပဲ ကျန်းမာရွှင်လန်းကြပါစေလို့ ...